գետ

Վիքիբառարան-ից

Հայերեն

Mali boat.jpg

Megaphone.svg Արտասանություն

ՄՀԱ: [get]

Վանկեր՝ գետ 

Ստուգաբանություն[խմբագրել]

Բնիկ հնդեվրոպական՝ * uedo-՝ * au(e)-, -ed-, -er- «խոնավացնել, հոսել» արմատից. հմմտ. հունարեն ύδωρ, փռյուգերեն βεδυ, գոթերեն wato, հին սլավոներեն voda «ջուր»:

Գոյական

  1. ջրի մեծաքանակ, բնականից գոյացած հոսանք, որ ընդունում է իր բացած հունով
  2. հեղուկի, խմիչքի և այլնի մեծ քանակություն ◆ արտասուքի գետ (փխբ․)
  3. որևէ բանի մեծ, հորդառատ քանակությունը ◆ Հորձանք է տալիս գետը հորդառատ կոլեկտիվ ուժի: (Մկրտիչ Խերանյան)
  4. անընդհատ շարժում, ընթացք ◆ Ժամանակի գետը կարծես սառել-քարացել էր: (Ժիրայր Ավետիսյան)
Նեղոս գետը
Հոմանիշներ[խմբագրել]

գետակ (փոքր), հեղեղատ (մեծ), ջուր (բրբ․)

Արտահայտություններ[խմբագրել]
  1. գետը գցել - կորցնել, վատնել, ջուր գցել, չգնահատել
  2. գետ եղիր, կուգա կոր՝ վազե կոր - Սեբաստիա` առատորեն գալիս էր՝ հոսում էր՝ թափվում էր
  3. գետը չեկած մի բոբկինար
  4. գետը չտեսած՝ ոտերդ հանում ես - Եվդոկիա` ժամականից շուտ մի պաատրաստվիր
  5. գետի երեսն ընկած տաշեղ - բախտի քմահաճույքին մատնված ◆ Գետի երեսն ընկած տաշեղ (ենք), հա գնում ենք առաջ: (Հովհաննես Հովհաննիսյան)
  6. գետի նման - (փխբ․) առատ, հորդ ◆ Քու հերն ու մերը թե որ ինձ չտան, արին կթափեմ ես գետի նման: (Հովհաննես Թումանյան)
  7. գետն ի վար թող տալ - Սեբաստիա` մեկի կորստյան պատճառ դառնալ, դավադրել
  8. գետի պառավ - Սեբաստիա, Ակն` ջադու պառավ
  9. գետն անցել է, առվում խեղդվում է - Սեբաստիա, Խարբերդ, Շիրակ` մեծ դժվարությունը հաղթահարել է, փոքրի առջև ընկրկում է
  10. պղտոր գետից ջուր խմել - անմաքուր, խարդախ միջոցների դիմել ◆ Ես գնամ, պղտոր գետից ջուր խմե՞մ: (Սահակ Ամատունի)
  11. գետը տարած - Ղարաբաղ` մեծ փորձանքի՝ դժբախտության հանդիպած

Աղբյուրներ[խմբագրել]

Wiki.png
Վիքիպեդիայում հոդված կա հետևյալ թեմայով՝ Գետ: