գիտություն

Հայերեն

Գոյական

վանկեր՝ գի-տու-թյուն 

Գոյական

1. գիտելիքների համակարգ, որը բացահայտում է բնության, հասարակության և մտածողության զարգացման օրինաչափությունները և արտաքին աշխարհի վրա ազդելու միջոցները ◆ Ժամանակակից աշխարհի կարևոր հրամայականն այն է, որ հասարակությունը, տնտեսությունը, կրթությունը գիտության հիմքերի վրա լինեն։ Մամուլ «Armenpress»
2. այդ գիտելիքների յուրաքանչյուր ճյուղը՝ բնագավառը ◆ Նա ավարտել է նաև փիլիսոփայական գիտությունների ֆակուլտետը: (Գարեգին Սևունց)
3. գիտելիքների որևէ բնագավառում կատարվող աշխատանք, որպես զբաղմունք՝ մասնագիտություն
4. գիտելիքներ, գիտական պաշար ◆ Բանն այն է, որ յուրաքանչյուրն աշխատում էր փայլել իր գիտությամբ` հարուստ սեղանակիցների ուշադրությունն ու համագրանքը գրավելու համար: (Շիրվանզադե)
5. ուսմամբ կամ կենսափորձով ձեռք բերված հմտություն՝ գիտելիք
6. գիտենալը, իմանալը, տեղյակ լինելը ◆ Բայց մեղքը ձերը չէ, իհարկե, մեղքը նախ օր. Սահակյանինն է, որ հարկ է համարել այս բանը սարքելու առանց մեր գիտության: (Նար-Դոս)
7. (ժղ․) ուսում, կրթություն
8. (հնց․) իմացություն
9. (աշխգր․) մարդկային հոգևոր գործունեության ոլորտ, որի նպատակն է` իրականության մասին օբյեկտիվ գիտելիքների ձեռքբերումն ու տեսական համակարգումը
10. (պաշտանվ․) տե՜ս իմացություն
11. որևէ գիտության ինքնուրույն բնագավառ

Հոմանիշներ

1. ուսում, ուսմունք
2. ծանոթություն, տեղեկություն, մակացություն (հնց․)

Արտահայտություններ

1. գիտության թեկնածու, գիտության դոկտոր - գիտական աստիճաններ, որոնք շնորհվում են այս կամ այն բնագավառի գիտնականներին՝ դիսերտացիայի պաշտպանությամբ
2. գիտության կաճառ - գիտական հաստատություն, գիտության կենտրոն
3. գիտության ճյուղ - որևէ գիտության ինքնուրույն բնագավառ
4. գիտության ոլորտ - որևէ գիտության ինքնուրույն բնագավառ
5. գիտությունների ակադեմիա - պետական բարձրագույն գիտական հաստատություն, որը միավորում է գիտության բոլոր ճյուղերը և արվեստները ◆ Հայաստանի գիտությունների ակադեմիայի նախագահությունը որոշում է ընդունել ակադեմիայի սիստեմում կառուցել ջուր տաքացնող արևային մի քանի սարքեր: (Մամուլ)
6. ի գիտություն - իմանալու՝ գիտենալու` տեղեկանալու համար, իբրև տեղեկություն ◆ Ելենա Բեգլարովնան... այս վերջինը, ... ընդունեց միայն ի գիտություն: (Վահան Թոթովենց) ◆ Քննիչ հանձնաժողովի աշխատանքների վերաբերյալ զեկույցն ընդունվեց ի գիտություն: Մամուլ «Առավոտ»

Թարգմանություններ
անգլերեն՝ science, knowledge, education հունարեն՝ գերմաներեն՝ դանիերեն՝ իսպաներեն՝ իտալերեն՝ հոլանդերեն՝ շվեդերեն՝ պորտուգալերեն՝ ռուսերեն՝ наука (ru) ‎(nauka), знание (ru) ‎(znanije) վրացերեն՝ ֆրանսերեն՝ science վիետնամերեն՝ khoa học

Մակբայ

1. (հնց․) (գործ. հոլովով` գիտությամբ) գիտակցաբար, դիտմամբ

Արտահայտություններ

Թարգմանություններ
անգլերեն՝ knowingly, on purpose հունարեն՝ գերմաներեն՝ դանիերեն՝ իսպաներեն՝ իտալերեն՝ հոլանդերեն՝ շվեդերեն՝ պորտուգալերեն՝ ռուսերեն՝ վրացերեն՝ ֆրանսերեն՝ վիետնամերեն՝

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Գրգեարյան Հ․Ղ․, Հարությունյան Ն․Մ․, Տնտեսական աշխարհագրության տեղեկատու բառարան (խմբ. Ավագյան Գ․Ե․), Երևան, ««Լույս» հրատարակչություն», 1982 — 408 էջ։
• Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
• Մ․Մ․ Ռոզենտալի, Փիլիսոփայական բառարան (Հայաստան), Երևան, 1975 — 468 էջ։