երանգ

Հայերեն

• ՄՀԱ՝ [jɛɾɑŋɡ]

Դասական ուղղագրութեամբ՝

վանկեր՝ ե•րանգ 

Ստուգաբանություն

Փոխառություն իրանական աղբյուրից. հմմտ. պարթևերեն rang, միջին պարսկերեն, պարսկերեն rang, նոր շրջանի բարբառներում փոխառված է ռանգ ձևով։

Գոյական

1. գույն
2. տե՛ս ներկ
3. հիմնական գույնի նուրբ տարբերակ, գույնի նուրբ աստիճան դեպի մուգ կամ բաց տարբերակը, նրբերանգ ◆ Արեգակի բոլոր երանգների նման տիեզերքի նման բազմալեզու, Ես սիրում եմ նրանց երփներանգ Այս հուրերը կիզուն:Եղիշե Չարենց
4. հիմնական ձայնային տոնին որոշ առանձնահատկություններ կամ հատուկ բնույթ տվող արձագանք, որով տարբեր գործիքների միևնույն աստիճանի հնչյունները տարբերվում են միմյանցից, ենթաձայն (երժշտ․) ◆ Եվ ամենայն մի ազգը՝ իր երանգներով ու գույնով նույն նպատակն է ազնիվ երգում Եղիշե Չարենց
5. իմաստային նուրբ երանգավորում, որ տրվում է բառին կամ նախադասությանը՝ նրա սովորական նշանակությունից տարբեր (լեզվբ․) ◆ Պոեմ՝ քննարական ուժեղ երանգով:Եղիշե Չարենց
6. որևէ բանի յուրահատուկ առանձնահատկություն՝ տարբերություն (փխբ․) ◆ Ամեն մի ժողովուրդ իր կենցաղի սովորույթների ու մշակույթնի երանգներն ունի։
7. որևէ երևույթի հիմնական բնույթին՝ էությանը հարակից հատկություն՝ հատկանիշ և այլն ◆ Պոեմի՝ վեպի քնարական երանգ:

Հոմանիշներ

1. գույն, թույր, երփն, ռանգ (գվռ․)
2. նրբերանգ, երանգավորում, ենթագույն
3. տե՛ս ներկ
4. ենթաձայն (երժշտ․)

Արտահայտություններ

1. երանգ առնել՝ ստանալ - բնույթ ստանալ

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

երանգ-երանգավորում, նրբերանգ, բազմերանգ, երանգիցերանգ, երանգավորում։