երդում

Հայերեն

վանկեր՝ եր-դում 

Ստուգաբանություն

բնիկ հնդեվրոպական՝ *urēdhu-` *uer- «հանդիսավորապես ասել, խոսել» արմատից. հմմտ. հունարեն βερυω «արտասանել», լատիներեն verbum, գոթերեն waúrd, պրուսերեն virds «բառ», այլև (*urēto >) ավեստերեն urvātg «սահմանում, պահանջ, պատվեր», հունարեն ρητον՝ «պայմանավորվածություն, պայման», հին սլավոներեն rota «երդում»

Գոյական

1. հանդիսավոր հավաստում որևէ բանի՝ երդվողի համար սրբազան՝ նվիրական բան վկայակոչելով՝ հիշելով
2. բանաձև, որ արտասանում են երդվելիս
3. երդվելը, երդում տալը
4. (պաշտանվ․) որևէ ծառայության անցնելու, որոշակի կարգավիճակ ստանալու ժամանակ տրվող պաշտոնական և հանդիսավոր խոստում, հավաստում
5. (միգ․) ճշմարտությունն ասելու վերաբերյալ հանդիսավոր խոստում, որը սովորաբար ուժ է ստանում ինչ-որ բան որպես սրբություն (օրինակ՝ աստծուն կամ աստվածներին) դիտարկելու կամ ինչ-որ բան պատկառելու կապակցությամբ
6. տե՛ս նաև վկա

Հոմանիշներ

1. ուխտ, խոստում

Արտահայտություններ

• երդում անել - երդվել
• երդում տալ - 1. երդվել։ 2. երդվել տալ, երդվեցնել
• երդումը ջրի պես խմել - երդմանը թեթևամտորեն վերաբերվել
• երդում ուտել - երդվել
• երդումը ուտել - երդմնազանց լինել
• երդում-կրակն ընկնել, երդում-կրակ ուտել, երդում-հավատ անել, երդում-պատառ անել, երդում-պատառ լինել, երդում-պատռտում անել ― երդվել

1. երդման դրժում-տես երդմնազանցություն

Թարգմանություններ
անգլերեն՝ oath, wow, oath of enlistment, oath of allegiance հունարեն՝ գերմաներեն՝ դանիերեն՝ իսպաներեն՝ իտալերեն՝ հոլանդերեն՝ շվեդերեն՝ պորտուգալերեն՝ ռուսերեն՝ клятва (ru) ‎(kljatva), зарок (ru) ‎(zarok), присяга (ru) ‎(prisjaga) վրացերեն՝ ֆրանսերեն՝

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
• Միգրացիայի ոլորտի տերմինների բառարան, Գյումրի, «Միգրացիայի Միջազգային Կազմակերպություն», 2013 — 175 էջ։