զարգանալ
Հայերեն
Բայ
- ՄՀԱ՝ [zɑɾɡɑˈnɑl]
վանկեր՝ զար•գա•նալ
խաղտել
[խմբագրել]- աճել, աճելով մեծանալ
- առաջադիմել, ստորին կամ վատ վիճակից դեպի ավելի բարձրը կամ լավը դիմել ◆ Մեր երկիրը զարգացել, հասել է ժամանակակից գիտության ու տեխնիկայի բարձունքները։ (Մամուլ) ◆ Մարդիկ հոտ ու նախիր են կազմել, պարապել են խաշնարածությունով, երկրագործությունով ու արհեսներով ու զարգացել: Հովհաննես Թումանյան ◆ Մենք պետք է հնարավորություն տանք վերջապես կովկասի ժողովուրդներին ազատ զարգանալու: (Վահան Տերյան)
- մտավորապես հասունանալ, հարստանալ ◆ Երեխա աճել էր, զարգացել էր և սեփական մտածությունների տեր դարձել։ (Րաֆֆի)
- կատարելագործվել
- ավելանալ, մեծանալ (արագության ուժի մասին) ◆ Նրա մարմինը դեռևս ունակ է շքեղորեն զարգանալու: (Նար-Դոս) ◆ Նրա ճկուն հասակը աճել էր սպասածից ավելի, կուրծքը զարգացել էր վայելուչ կազմով։ (Մուրացան)
- գոռոզանալ, ինքնահավան դառնալ (խսկց․)
- տեղի ունենալ, ծավալվել (անհնձն․)
- ընդլայնվել ◆ Օրավուր գործարանը ընդլայնվում է, և զարգանում է նրա արտադրական հզորությունը։ (Մամուլ)
- ուժեղանալ, ամրանալ, ամրապնդվել, ◆ Մկանները զարգանում են մարզանքներով։ ◆ Մկաներն զարգանում են ֆիզիկական վարժություններով։
- ծավալվել, որոշ ընթացք ստանալ, տեղի ունենալ, ◆ Դեպքերը զարգացան անսպասելի արագությամբ։
- էվոլյուցիայի պրոցես ապրել (գիտ․)
- (առավելապես հարկադրական դերբայ) մտավորապես բարձր ու կարդացած լինել ◆ Դու ինձնից զարգացած ես և խելոք։ (Վահան Տերյան) ◆ Եթե մի օր ծագի մի նոր Ադամյան, նա արդեն ուրիշ պայմաններում կզարգանա ու կապրի։ (Վահան Տերյան)
Հոմանիշներ
[խմբագրել]- աճել, մեծանալ, հզորանալ
- բարգավաճել, առաջանալ, առաջ գնալ
- առաջադիմել, լուսավորվել, կրթվել, դաստիարակվել, քաղաքակրթվել
- կարողությունները մեծանալ, կատարելագործվել ◆ Բնազդն… շատ կենդանիների մեջ ավելի է զարգացած քան մարդու մեջ։ Հովհաննես Թումանյան
Արտահայտություններ
[խմբագրել]| Բաղադրյալ բառեր | |
| Թարգմանություններ | |
| |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
խախտել