ընդհանուր
Հայերեն
Ածական
- ՄՀԱ՝ [əntʰɑˈnuɾ]
վանկեր՝ ընդ•հա•նուր
Ստուգաբանություն
[խմբագրել]- բոլորին հատուկ, վերաբերող, բոլորի վրա տարածվող ◆ ընդհանուր կարգ, կանոն
- միասին, բոլորի կողմից, տվյալ խմբի, կազմակերպության և այլն բոլոր անդամների կողմից տրվող, իրացվող, բոլորի մասնագիտությամբ տեղի ունեցող ◆ ընդհանուր շաբաթօրյակ, ժողով
- բոլորին, տվյալ ամբողջության բոլոր անդամներին պատկանող ◆ ընդհանուր ունեցվածք, հարստություն
- երկու կամ ավելի միավորների, առարկաների, անձերի և այլն միաժամանակ հատուկ, բնորոշ, միատեսակ, նման ◆ ընդհանուր հատկանիշ
- ամբողջական, բոլորը միասին վերցրած ◆ ընդհանուր գումար
- որևէ բանի հիմունքները, հիմնական սկզբունքները պարունակող, ներկայացնող ◆ զեկուցման ընդհանուր դրույթներ
- տվյալ գիտության բոլոր մասնավոր ճյուղերի համար անհրաժեշտ ու հիմնական սկզբունքները, գիտելիքները պարունակող, ընդհանրական երևույթներին, հարցերին վերաբերող ◆ ընդհանուր քիմիա, լեզվաբանություն
- միայն ամենագլխավորը, հիմնականն ընդգրկող առանց (մանրամասնությունների) ◆ ընդհանուր տպավորություն, ակնարկ
- բոլորին գերադասվող, բարձրագույն ◆ ընդհանուր հրամանատար
- անորոշ, տարտամ, հարցի էությունը չշոշափող ◆ ընդհանուր արտահայտություններ, հայտարարություններ
- դերանվանական առումով՝ բոլորը, ամենքը
Հոմանիշներ
[խմբագրել]- բոլոր, ամեն, հանուր, համայն, համորեն, ողջ, ամբողջ, բովանդակ, ամենայն
- ընդհանրական
- հիմնական, գլխավոր
- միացյալ, միասնական, համայնական, միասին, խմբովին, կոլեկտիվ
- համընդհանուր
- անորոշ
- վերացական, աբստրակտ ոչ (կոնկրետ)
Արտահայտություններ
[խմբագրել]- ընդհանուր առմամբ
- ընդհանրապես, որպես ընդհանուր կարգ, երևույթ և այլն
- հիմնական գծերով, մանրամասնություններին, չանրադառնալով
- ընդհանուր բաժանարար - այն թիվը, որի վրա առանց մնացորդի բաժանվում են բոլոր տվյալ թվերը
- ընդհանուր լեզու գտնել - փոխադարձ ըմբռնման, համաձայնության հասնել
- ընդհանուր կրթություն - բազմակողմանի հիմնական գիտելիքներ տվող կրթություն առանց մասնագիտական թեքման, հանրակրթական ուսում
- ընդհանուր կամ մի հայտարարի բերել
- տրված կոտորակների համար մեկ ընդհանուր հայտարար գտնել
- ամփոփել, իմի բերել
- ընդհանուր հսկողություն - դատախազության մարմինների հսկողությունը, կառավարման բնագավառում օրենքների ճշգրիտ կատարման վրա
- ընդհանուր ոչինչ, ոչ մի բան չլինել, չունենալ
- որևէ առնչություն, կապ չունենալ մեկի, մի բանի հետ
- նմանություն, ընդհանուր հատկանիշ, բնույթ չունենալ` մեկի հետ
- ընդհանուր ենթակառուցվածք - ենթակառուցվածք, որն օգտագործում են ռազմական բլոկի բոլոչ ուժերը
| Թարգմանություններ | |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։