ընկույզ

Վիքիբառարան-ից
Jump to navigation Jump to search

Հայերեն

«ընկույզ» ժեստը հայերեն ժեստերի լեզվով
ընկույզ

Դասական ուղղագրութեամբ՝ ընկոյզ

վանկեր՝ ըն•կույզ 

Ստուգաբանություն[խմբագրել]

Թերևս բնիկ հնդեվրոպական՝ ըն(դ) նախածանցով՝ *geug՛ho- ձևից (*geu «ծռել, կորացնել, կամար կազմել» և *-g՛(h) աճական). հմմտ. պարսկերեն gūzak «ոտքի կոճ», լիտվերեն gùžas «կոն, կոնգոմ»: Աճառյանը հնարավոր է համարում որպես աղբյուր դիտել ուրարտերենը, որից տարածվել է Առաջավոր Ասիայում:

Գոյական

  1. ընկուզենու պտուղը՝ կարծր փայտանման պտղապատյանով ◆ Կարծես հողի տակ մի բուռ ընկույզ էին թափել: (Ակսել Բակունց) ◆ Անտառը լիքն է կաղնով ու ընկույզով, իսկ վայրի տանձ ու խնձորին տեր չկա: Սերո Խանզադյան
  2. այդ պտղի ուտելի միջուկը, առանց պատյանի
  3. նույն պտուղը կանաչ ընկուզակեղևով, խակ վիճակում, որից մուրաբա են եփում
  4. ընկուզենու մաքուր ու գեղեցիկ փայտը, ընկույզափայտ
  5. (խոհր․) օգտագործում են թարմ, կերակուրներ, խմորեղեններ, թխվածքներ հարստացնելու և զարդարելու համար, խակ ընկույզից պատրաստում են մուրաբաներ

Հոմանիշներ[խմբագրել]

  1. պոպոկ (գվռ․), կակալ, գուզ, ճղոպար
  2. ընկույզափայտ

Արտահայտություններ[խմբագրել]

  1. (մեկի) ընկույզին քար չի նետի -
    1. տե՛ս անշահախնդիր
    2. տե՛ս անվնաս

Աղբյուրներ[խմբագրել]

  • Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
  • Հարությունյան Լ․ Վ․, Թանգամյան Տ․Վ, Զավարյան Է․ Լ․ և ուրիշներ, Բուսաբանական տերմինների ռուս-հայերեն բացատրական բառարան, Երևան, ««Հայբուսակ»», 2002 — 272 էջ։