թոհուբոհ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ թո•հու•բոհ 

Ստուգաբանություն[խմբագրել]

Փոխառություն՝ եբրայերեն tōhū wa bohu, ասորերեն tōh wə boh:

Գոյական

  1. քաոս ◆ (Կրկներգը) նվաղուն ձայնով հեռավոր արձագանքի նման հասնում է հանդիսատեսին մինչև բոլորովին անլսելի է դառնում ընդհանուր խրախճանքի թոհուբոհի մեջ։ (Վահրամ Փափազյան) , ◆ Գիշերային թոհուբոհի ժամանակ ոչ ոք չնկատեց, թե ինչպես մի սև ուրվական պարանով կախվեց… ու արագ իջավ ձորը։ Սերո Խանզադյան
  2. խառնաշփոթություն, իրարանցում
  3. կյանքի եռուզեռ ◆ Կյանքի թոհուբոհի մեջ Կիկոն հաճախ անպաշտպան ու միայնակ է։ (Մամուլ) ◆ Խորշում եմ այս խենթությունից կախարդական։ Կարծում ես, թե կապաքինվե՞մ թոհուբոհում այս ապական։
  4. (փխբ․) բուռն ցնցում հասարակական կյանքում (հեղափոխություն, հեղաշրջում, պատերազմ) ◆ Սոցալ-տնտեսական խնդիրները ծառայել էին 1848 թվականի թոհուբոհից անցած արևմտահայ լուսավորիչների առջև։ գրքերից , ◆ Աշխարհասասան այս թոհուբոհում Հիտլերի գոռոզ երկաթե հորդան պիտի ջախջախվի։ (Նաիրի Զարյան)
  5. (փխբ․) անհամապատասխան՝ աններդաշնակ տարրերի խառնուրդ ◆ Երաժշտական ձայներուն թոհուբոհեն տարօրինակ խառնուրդ մը իր հոգնած երևակայության մեջ կմնար։ (Գրիգոր Զոհրապ)

Հոմանիշներ[խմբագրել]

  1. խառնաշփոթություն, խառնակություն, շփոթ, շփոթություն, խառնակչություն, ժխոր, խուճապ, վայնասուն, աղմուկ, աղաղակ, եռուզեռ, թոհուբոհ, ղժժոց, ղժղժոց, ղժվժոց, ղժվժյուն, ղռվռոց, վժոց, վժվժոց, վժվժյուն, վժժոց, վժլտոց, վժրտոց, գոռումգոչում, ապշոպ, (բրբ․) գառնագոչում, բարդակոլոն, տնկլոց, դմբրտոց, ուլուլոց
  2. տագնապ, շփոթություն, իրարանցում, (հնց․) շփոթ, խռովք, խուճապանք, խուճապուկ (հզվդ․)

Արտահայտություններ[խմբագրել]

  1. թոհ և բոհ, թոհ ու բոհ – տե՛ս թոհուբոհ ◆ Դու իմն ես եղել միշտ, իմը աշխարհի ձևավորումից առաջ, երբ թոհ ու բոհի մեջ էին ժամանկի և տարածության բոլոր իրերը։ (Ավետիք Իսահակյան) , ◆ Բայց մարդու աչքերը որոշ բան չէին կարող նկատել այն թոհ ու բոհի մեջ։ Հովհաննես Թումանյան

Աղբյուրներ[խմբագրել]