լայն

Հայերեն

• ՄՀԱ՝ [lɑjn]

Դասական ուղղագրութեամբ՝

վանկեր՝ լայն 

Ստուգաբանություն

Բնիկ հնդեվրոպական *pləteno-` *plāt- «լայն ու հարթ, լայնացնել» արմատից. հմմտ. հին հնդկերեն prthú, ավեստերեն pərəthu «լայն, ընդարձակ», հունարեն πλάτος` «լայն, հարթ», կիմրերեն lled, բրետոներեն led/t «լայնություն»։

Գոյական

1. լայնությամբ՝ դեպի աջ և ձախ ընդարձակորեն տարածվող՝ տարածված ◆ Լայն փողոց։
2. ընդարձակ տարածություն բռնած՝ բռնող, ընդարձակ ◆ Լայն դաշտ՝ հովիտ։
3. վրան սեղմ չնստող, ոչ նեղ, արձակ կամ չափից դուրս արձակ ◆ Լայն շալվար՝ շրջազգեստ։ Նրա լայն շալվարի ամեն մի փողքում մի մարդ կտեղավորվեր։
4. մեծ ըստ չափի՝ աստիճանի՝ ընդգրկման ◆ Լայն տարածում։ Լայն հեռանկար։
5. մեծ բացվածք ունեցող ◆ Լայն գրիկ։
6. մեծ տրամագիծ ունեցող ◆ Լայն փող։
7. (փխբ․) շատերին՝ մեծ բազմություն կամ բոլորին ընդգրկող ◆ Աշխատավորական լայն զանգվածներ։
8. (փխբ․) շատերի համար մատչելի, շատերին ծանոթ, շատերի կողմից ընդունված՝ ճանաչված ◆ Լայն ժողովրդականության արժանանալ։ Լայն ճանաչում գտնել։
9. (փխբ․) շատերի՝ բոլորի համար նախատեսված՝ նշանակված՝ սահմանված ◆ Լայն սպառման ապրանքներ։
10. ազատ՝ անկաշկանդ ու բազմակողմանիորեն դիտող՝ մտածող՝ ընկալող ◆ Լայն մտքի տեր մարդ է։
11. (փխբ․) ազատ, արձակ, ապահով, նեղությունից զերծ
12. (փխբ․) բացսիրտ, զվարթ, ուրախ ◆ Պետք է ժպիտ ունենալ լայն: «Գրական թերթ»
13. մանրամասն, հանգամանալից ◆ Լայն հաղորդում։
14. լայն տեղ

Հոմանիշներ

1. ընդարձակ, (ժղ․) լայնշի, լայղի, լայնեկ, լայնկուկ,
2. արձակ, ազատ, (գվռ․) լախ, թոշ

Արտահայտություններ

1. լայն ապրել - ճոխ հարուստ ապրել
2. լայն էկրան - մեծացրած տեսադաշտով պաստառ, որ պատկերների մեծությունը մոտեցնում է իրական տեսողական ընկալմանը
3. լայն հնչյուններ - նույնն է՝ բաց հնչյուններ
4. լայն հորիզոններ բացել բացվել
   1. գործելու ազատ ասպարեզ բացել բացվել
   2. մեծամեծ հեռանկարներ բացել բացվել
5. լայն նկատով - մեծ ընդգրկումով, զանգվածաբար
6. լայն սիրտ ունենալ - մեծահոգի լինել

Թարգմանություններ
անգլերեն՝ wide, broad, voluminous, widely, broadly գերմաներեն՝ դանիերեն՝ թուրքերեն՝ իսպաներեն՝ իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ широкий (ru) ‎(širokij), широко (ru) ‎(široko) վրացերեն՝ ֆրանսերեն՝

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։