լողալ

Վիքիբառարան-ից

Դասական ուղղագրութեամբ՝

«լողալ» ժեստը հայերեն ժեստերի լեզվով

վանկեր՝ լո•ղալ 

Ստուգաբանություն[խմբագրել]

Լողալ

Բայ

  1. ջրի միջով (մակերեսով կամ խորքով) շարժվել՝ ընթանալ
    1. ջրի երեսին կամ խորքում մնալով շարժվել՝ ընթանալ որոշ ուղղությամբ՝ մարմնի զանազան շարժումների օգնությամբ (մարդու և ոչ ջրային կենդանիների մասին)
    2. ջրի խորքում շարժվել՝ ընթանալ դրան ծառայող գործարանների օգնությամբ (ձկների և ջրային ուրիշ կենդանիների մասին)
    3. ջրով ընթանալ հատուկ հարմարանքների՝ շարժիչների օգնությամբ (նավի՝ նավակի ևն մասին)
  2. լողալու՝ լող տալու հմտություն ունենալ, լող տալ կարողանալ
  3. ջրի երեսին պահվել և նրա հոսանքով տարվել ◆ Տերևները լողում են գետակի պարզ ջրի մեջ։
  4. (փխբ․) սահուն կերպով ու դանդաղորեն շարժվել՝ ընթանալ ◆ Մեքենան գտավ մեծ ճանապարհն ու լողաց նրա վրայով։ Սերո Խանզադյան
  5. (փխբ․) դանդաղորեն՝ հանգիստ ընթացքով հոսել ◆ Սառույցի տակից… վտակներն են… լողում: Հովհաննես Հովհաննիսյան
  6. (փխբ․) որևէ հեղուկով պատված կամ ամբողջապես հեղուկով թաթախված լինել ◆ Վիրավորը լողում էր արյան մեջ։
  7. որևէ միջավայրում կախված լինել, որևէ միջավայրում (օդի՝ Հեղուկի մեջ կամ մակերեսին) գտնվել։ ◆ Խցանը շշի մեջ ընկավ ու լողում է գինու մեջ։ Ստեփան Մալխասյանց
  8. (փխբ․) առատորեն մի բան ունենալ ◆ Փողի մեջ լողում է։ ◆ Առատության՝ երջանկության մեջ լողալ:
  9. (փխբ․) անհրաժեշտ գիտելիքներ չունենալով՝ որևէ բանի չտիրապետելով կցկտուր՝ վայրիվերո խոսել դրա մասին կամ պատասխաններ տալ ◆ Զեկուցողը մի ամբողջ ժամ լողաց ու ոչինչ չասաց։
  10. (փխբ․) տարածվել, տոգորել, սփռվել ◆ Մի մեղմ ու խոնավուտ անուշահոտություն է լողում օդում։ (ՇԲ
  11. (փխբ․) ողողվել ◆ Օպերայի շենքը լողում էր լույսերի մեջ։ ՎԿ

Հոմանիշներ[խմբագրել]

  1. լող տալ
  2. տե՛ս նավել, նավարկել

Արտահայտություններ[խմբագրել]

  1. Վախթովմ դուք ալ օսկու, արծաթի մեջ լող կուտայինք կը, փարան սև խուրմի պես խարջեիք կը:(Խաթաբալա)


Աղբյուրներ[խմբագրել]