ծծել

Վիքիբառարան-ից

Դասական ուղղագրութեամբ՝

Վանկեր՝ ծ(ը)•ծել 

Ստուգաբանություն[խմբագրել]

Բայ

  1. շրթունքների ու լեզվի սեղմող և դեպի ներս ձգող շարժումներով հեղուկը բերանը առնել ◆ Երեխան կաթ է ծծում:
  2. այդ եղանակով ծծից կաթ քաշել բերանը, ծիծ ուտել (երեխաների՝ կաթնասունների ձագերի մասին)
  3. շրթունքները ոչ սեղմ, իրար մոտեցրած՝ ներշնչումով խմել հեղուկը ◆ Ծերունին լուռ ծծում էր թեյը գավաթից: (Իլֆ և Պետրով)
  4. սնամեջ ցողունով՝ բարակ խողովակով ևն հեղուկը բերանը քաշել ◆ Իր սեղանին նստած անծանոթը շարունակում էր ծծել սառը մրգահյութը:
  5. հատուկ գործարանի միջոցով ներծծել որևէ հեղուկ (միջատների՝ կենդանիների մասին) ◆ Կաղամբաթիթեռը սնվում է կաղամբի նեկտարը ծծելով: (Դասագիրք)
  6. հողից սննդարար նյութեր և ջուր ներծծել (բույսերի մասին) ◆ Ցնծաց հողը ծիլերով, որոնք ծծում էին իր հյութերը:
  7. որևէ բան բերանն առնելով ու թուքով թրջելով՝ լեզվով ու շրթունքներով դեպի ներս ձգող շարժումներ անել ◆ Երեխան ծծակ է ծծում:
  8. լեզվի ու շրթունքների այդպիսի շարժումներով որևէ բան (կոնֆետ, շաքար և այլն) հալելով կամ կակղացնելով ուտել ◆ Փոքր ժամանակ նա միշտ շաքար էր ծծում:
  9. շնչել, ներշնչել ◆ Նա դուրս եկավ պատշգամբ թարմ օդ ծծելու:
  10. հեղուկը՝ խոնավությունն իր մեջ քաշել, ներծծել ◆ Ավազուտ հողն անմիջապես ծծում էր անձրևի կաթիլները:
  11. ագահաբար խմել ◆ Արտակարգ բավականությամբ նա ծծեց գավաթի պարունակությունը:
  12. մեծ հաճույքով ներշնչելով մի բան հոտոտել, հոտ քաշել ◆ Ամեն առավոտ նա արտակարգ գոհունակություն էր զգում իր աճեցրած վարդերի բույրը ծծելով:
  13. ագահաբար ծխել, քաշել (ծխախոտ, նարգիլե և այլն)
  14. (փխբ․) ներս ընդունել, իր մեջ առնել՝ ընդունել (խմել, կուլ տալ և այլն) ◆ ...Վարդգեղ շրթունքիդ մեղրի հետ մի տեղ ես թույն չեմ ծծում: (Հովհաննես Հովհաննիսյան)
  15. (փխբ․) վայելել, ճաշակել ◆ Իրավունք տուր ծծեմ մեղրը շրթունքիդ (Հովհաննես Հովհաննիսյան)
  16. (փխբ․) կեղեքել, հարստահարել, խլել ◆ Ես չեմ կարող... վառ քրտինքը ծծել տանջված ճակատի: (Ավետիք Իսահակյան)
  17. (փխբ․) քսությամբ՝ խարդախությամբ ու շողոքորթությամբ ձեռք բերել՝ ստանալ՝ կորզել ◆ Նա իր փառամոլ պետի խնկարկությամբ ծծում է նրա շնորհները:ԲՔ

Հոմանիշներ[խմբագրել]

  1. ներծծել, (գվռ․) քաշել, ծծքել,
  2. դիել, ծիծ ուտել, կուրք ուտել
  3. տե՛ս խմել
  4. տե՛ս ներծծել

Արտահայտություններ[խմբագրել]