ծով
Հայերեն
- ՄՀԱ՝ [t͡sɔv]
Դասական ուղղագրութեամբ՝ ծով
վանկեր՝ ծով
Ստուգաբանություն
[խմբագրել]Թերևս բնիկ հնդեվրոպական *g՛ob- «ծով» արմատից, հմմտ. հին իռլանդերեն go, հին իսլանդերեն kaf «ծով»։
Գոյական
- օվկիանոսի մաս, առավել կամ պակաս չափով ցամաքով շրջապատված դառնաղի ջրով ջրային մեծ տարածություն
- (երկրբ․) օվկիանոսի մաս, որից շատ կամ քիչ մեկուսացված է ցամաքով կամ ստորջրյա ռելիեֆի բարձրացումներով, օվկիանոսի բաց մասից տարբերվում է գլխավորապես սեփական ջրաբանական և կլիմայական ռեժիմով
- մեծ լիճ ◆ Կասպից ծով, Վանա ծով
- արհեստական մեծ ջրավազան ◆ Երևանյան ծով
- ընդհանրապես՝ ջրային տարածություն երկրագնդի վրա՝ ի հակադրություն ցամաքի ◆ Քանի կան մարդիկ, կա ցամաք ու ծով: (Ավետիք Իսահակյան)
- (փխբ․) առատորեն թափված արյուն՝ արտասուք՝ քրտինք և այլն ◆ Երկիրը ծով էր արյան ու կարիքի։ Եղիշե Չարենց
- (փխբ․) որևէ բանի չափազանց մեծ քանակություն ◆ Նույնիսկ փորձված ժուռնալիստը հեշտությամբ գլուխ չի հանի թղթերի այդ ծովում: (Կ. Ռյուկման)
- (փխբ․) որևէ բանի շերտով՝ ծածկույթով համատարած պատված ընդարձակ տարածություն ◆ Ավազի՝ կանաչի՝ մրգաստանների ծով
- (փխբ․) անսահմանափակություն, անսպառություն, որևէ բան անսահմանափակ՝ անսպառ կերպով լինելը՝ ունենալը ◆ Սայաթ-Նովա - խելքի ծովա
- (փխբ․) խորք, էություն ◆ Սիրուդ հողմը սրտիս ծովն է հուզել։ Գուրգեն Մահարի
- (փխբ․) լայնարձակ ասպարեզ, որևէ բանի ոլորտ՝ միջավայր ◆ կյանքի ծով, նենգությունների ու խարդավանքների ծով
- ածականական գործածությամբ՝ ծովի պես կապույտ, խոր ու հմայիչ ◆ Ծով աչեր
- առատ, հարուստ, ճոխ, փարթամ ◆ Ծով մազեր
- անսահման, շատ, մեծ, անսպառ ◆ Ծով կարոտ՝ վիշտ՝ տառապանք ◆ Զրկանք կրել հոգս են տարել այս ձեռքերը ծով լռությամբ, համբերոթյամբ։ Պարույր Սևակ
- շատ, անթիվ, անհամար ◆ Մի բուռ ազգ մի ծով բազմանա։ Հովհաննես Շիրազ
- ուժգին, հզոր ◆ Ես քո ծովն եմ սուզվել, Բիլ ծովում ծով ձայնիդ Գուրգեն Մահարի
- (դիվ․) իրավաբանական առումով ծովային տարածքների ռեժիմը միատեսակ չէ։ Բայց ծովերի, փակ ծովերի, նեղուցների, ծովածոցերի և այլ ջրային տարածքների ռեժիմը տարբեր է
Հոմանիշներ
[խմբագրել]- ծովակ
Արտահայտություններ
[խմբագրել]- ծովի աստղ - փշամորթների տիպին պատկանող ծովային անողնաշար կենդանի
- ծով կապել
- ջուրը մի տեղ հավաքելով լճացնել
- հավաքել, խռնվել, ամբոխվել
- տակը շատ թռջել
- ծով կտրել - նույնն է՝ ծովանալ
- ծով հրդեհել - անիրագործելի բանի ձեռնարկել, հիմարական սխրանքների դիմել
- ծով(ը) բացվել - առագաստանավով ծով դուրս գալ, առագաստները պարզած ծով դուրս գալ
- ծովի (ծովային) գայլ - հին փորձված նավաստի
- ծովեր կպցնող
- ստախոս, առասպելական ստեր ասող
- անիրագործելի սըխրաքների մասին երազող՝ խոսող
- ծովերի ազատություն - միջազգային իրավունքով սահմանված սկզբունք, որի համաձայն բաց ծովից օգտվելը չի կարող սահմանափակել որևէ պետության կողմից
- ծովի պես - շատ, անսահման, առատ
| Հոլովում |
| Եզակի թիվ | Հոգնակի թիվ | |
|---|---|---|
| Ուղղ. | ծով | ծովեր(ը) |
| Սեռ. | ծովի | ծովերի |
| Տր. | ծովի(ն) | ծովերի(ն) |
| Հայց. | ծով(ը) | ծովեր(ը) |
| Բաց. | ծովից | ծովերից |
| Գործ. | ծովով | ծովերով |
| Ներգ. | ծովում | ծովերում |
| Թարգմանություններ | |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Հողմիկ Սարգսյան, Ռուզաննա Սարգսյան, Երկրաբանական տերմինների եռալեզու հանրագիտական բառարան, Երևան, «Զանգակ», 2014 — 672 էջ։
- Լիլիթ Թութխալյան, Դիվանագիտական տերմինների և հապավումների բառարան (Տիգրան Մեծ), Երևան, 2004 — 56 էջ։
 |
Վիքիպեդիայում հոդված կա հետևյալ թեմայով՝ Ծով: |
Կատեգորիաներ:
- Ձայնային ֆայլերով հայերեն բառահոդվածներ
- Հայերեն բառեր
- Հայերեն գոյականներ
- Հայերեն բառեր երկրաբանական իմաստով
- Քաղվածք/Ավետիք Իսահակյան
- Հայերեն բառեր փոխաբերական իմաստով
- Քաղվածք/Եղիշե Չարենց
- Քաղվածք/Գուրգեն Մահարի
- Քաղվածք/Պարույր Սևակ
- Քաղվածք/Հովհաննես Շիրազ
- Հայերեն բառեր դիվանագիտական իմաստով
- Բառեր «Արդի հայերենի բացատրական բառարան» գրքից
- Բառեր «Երկրաբանական տերմինների եռալեզու հանրագիտական բառարան» գրքից
- Բառեր «Դիվանագիտական տերմինների և հապավումների բառարան» գրքից