նավ

Վիքիբառարան-ից

Հայերեն

«նավ» ժեստը հայերեն ժեստերի լեզվով
Նավ

Դասական ուղղագրութեամբ՝ նաւ

վանկեր՝ նավ 

Ստուգաբանություն[խմբագրել]

Բնիկ հնդեվրոպական *nāu արմատից. հմմտ. հնդկերեն nau, հունարեն ναύς, լատիներեն nāvis: Հավանական է համարվում նաև իրանական ծագման վարկածը, մանավանդ որ նաւազ, նաւապետ բառերն ակնհայտորեն իրանական ծագում ունեն։

Գոյական

  1. ջրի վրա լողացող՝ ջրով ընթացող փոխադրամիջոց, մարդկանց և բեռներ տեղափոխելու համար ◆ Ճոճվում են նավերը սևերիզ՝ Շղթաներով ափին կապած։ Եղիշե Չարենց
  2. օդով թռչող փոխադրական մեքենա
  3. ջրատար խողովակ, ագուգա
  4. փայտե կամ քարե գուռ աղբյուրների առջևում՝ անասուններին ջրելու համար ◆ Ջուրը նավից արշավելով կատաղաբար ձայն է հանում։
  5. փայտե խողովակ՝ որով ջուրը հոսում ու թափվում է ջրաղացի անիվին (գվռ․)
  6. փայտե տաշտակ՝ շենքեր կառուցելիս հող՝ շաղախ՝ ցեխ կրելու համար (գվռ․)

Հոմանիշներ[խմբագրել]

  1. վաք, վագ, բոտ, սարբոտ, նով, խել, սուլ,
  2. ջրախողովակ, փողրակ, ջրանցույց
  3. տաշտակ

Արտահայտություններ[խմբագրել]

  1. նավը թողնել - դիրքերը լքել՝ թողնել, փախուստի դիմել, դասալքել
Եզակի թիվ Հոգնակի թիվ
Ուղղ. նավ նավեր(ը)
Սեռ. նավի նավերի
Տր. նավի(ն) նավերի(ն)
Հայց. նավ(ը) նավեր(ը)
Բաց. նավից նավերից
Գործ. նավով նավերով
Ներգ. նավում նավերում







Աղբյուրներ[խմբագրել]