հանձնել, հարկ եղած տեղը բերել՝ տալ, տրամադրել ◆Դիմումները պետք է ներկայացնել ընդունող հանձնաժողովի պատասխանատու քարտուղարին։
մեկին բերել ուր-որ հարկն է, տվյալ վայրը՝ հիմնարկին՝ անձի մոտ բերել ◆Դիրեկտորը մինիստրին ներկայացրեց իբրև կադրերի բաժնի վարիչ նախատեսված Ս. Սմբատյանին։
ցույց տալ (որևէ բան հաստատող փաստաթուղթ, վկայական և այլն) ◆Քաղաքացին ներկայացրեց գործարանի անցաթուղթը։
առաջ քաշել՝ տրամադրել՝ առաջարկել որպես հիմք՝ փաստարկ ◆Չի կարելի մեկին մեղադրել՝ առանց անհրաժեշտ փաստեր ներկայացնելու:
ծանոթացնել մեկի հետ ◆Ներկայացնում եմ ձեզ, իշխաննե՛ր, ձեր ապագա թագուհուն:(Մուրացան)
գրավոր կերպով առաջադրել մի բանի համար ◆Մեկին ներկայացնել պարգևատրման։◆Նրան ներկայացրել են պետական մրցանակի։
իրեն ցուցադրել՝ ցույց տալ որպես, ձևացնել ◆Նա ջանում էր իրեն ներկայացնել իբրև կատարելապես առողջ և աշխատանքի լիովին ընդունակ մարդ։
դրսևորել, լինել, հանդես գալ որպես։ ◆Տվյալ դեպքում նա ներկայացնում է (իրենից) մի շատ հմուտ ու փորձված մասնագետ։
լինել, հանդիսանալ ◆Գերեզմանատունը ներկայացնում էր մի արյունոտ տեսարան:Խաչիկ Դաշտենց
մեկի՝ մի բանի կողմից հանդես գալ, ներկայանալ որպես որևէ մեկի՝ մի բանի ներկայացուցիչ ◆Հայաստանի մարզիկներին ներկայացնում են մարմնամարզության ու ծանրորդների հավաքականները։
պատճառել, առթել, մի բան առաջ բերել Դժվարություն՝ հետաքրքրություն՝ չարչարանք ներկայացնել:
բեմի վրա վերարտադրել՝ պատկերել՝ ցույց տալ ◆Այսօր Սունդուկյանի անվան թատրոնը ներկայացնում է Շիրվանզադեի «Նամուսը»։
որևէ մեկի՝ մի բանի արտահայտիչը՝ շահերի պաշտպանը լինել, հանդես գալ որպես մեկի՝ մի բանի արտահայտիչ, մարմնավորել։ ◆Իր ստեղծագործությունների մեջ նա ներկայացնում է տանջված, կեղեքված գյուղացուն՝ հազար ու մի ցավերով։
մատուցել, տրամադրել ◆Առիթ ներկայացնել:
մոտեցնել, պարզել մի բան մեկին ◆-Գիշեր բարի, հայրիկ, - ըսավ Գլեր ճակատը հորը ներկայացնելով:(Ալեքսանդր Պուշկին)
Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230էջ, ISBN 978-99941-1-933-2։
