շերտ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝ շերտ

վանկեր՝ շերտ 

Ստուգաբանություն[խմբագրել]

Բնիկ հնդեվրոպական՝ *skhed-ri-՝ *(s)k(h)ed- «ճեղքել, ցրել» արմատից. հմմտ. հին հնդկերեն skhadatē «ճեղքել», հունարեն σκεδάννυμι «ցրել, կոտորել», լիտվերեն škedēns «կտոր, տաշեղ»:

Գոյական

  1. որևէ բանի երկար ու բարակ կտոր՝ մաս ◆ Կտորի շերտ:
  2. որևէ տարածության մեջ երկայնակի ձգվող միապաղաղ՝ միատեսակ գոտի ◆ Փողոցների կանաչապատ շերտ: ◆ Պարտեզի ծաղկաբույսերի շերտ:
  3. որևէ բանից կտրված բարակ կտոր՝ պատառ ◆ Հացի շերտ, մսի շերտ:
  4. որևէ բանի զանգված, որ պատում է մի բանի մակերևույթը, որևէ նյութի զանգվածային խավ ◆ Ձյունի շերտ, սառույցի շերտ:
  5. նյութի՝ մարմնի ևն մաս, որ գտնվում է նրա մյուս մասերի միջև ◆ Մարմնի ճարպային շերտեր:
  6. (փխբ․) հասարակական՝ կուլտուրական՝ կրոնական՝ քաղաքական ևն հատկանիշի ընդհանրությամբ բնորոշվող մարդկանց խումբ, հասարակական խավ ◆ Աղանդավորների մեջ էլ անբարոյական շերտեր են եղել: (Ե. Տեր-Մինասյան)
  7. (փխբ․) լույսի՝ բոցի ևն ժապավենաձև փունջ ◆ Ծառերի արանքով լույսի շերտեր էին անցնում: (Նար-Դոս)
  8. (երկրբ․) նստվածքային ապարի հորիզոնական խավ՝ երկայնակի զանգված
  9. (հնք․) երկրակեղևի մեջ գտնվող որևէ հանքի երկայնական զանգված, հանքաշերտ
  10. գետնի մշակելի վերնաշերտը, հողաշերտ ◆ Վարելահողային շերտ:
  11. (տպգր․), (հրտ․) կազմի գրքապանակի կողերի և աստառի միջի արանքը
  12. (պաշտանվ․) տարածության մեջ երկայնակի ձգվող միատեսակ գոտի, նյութի, մարմնի և այլ առարկաների մաս, որը գտնվում է մյուս մասերի միջև
  13. (երկրբ․) երկրաբանական մարմին, որն ունի հարթ ձև, հաստությունը բազմաթիվ անգամ փոքր է տարածման մակերեսից, ունի համասեռ հատկանիշներ և սահմանափակված է շատ թե քիչ զուգահհեռ մակերևույթներով՝ վերին առաստաղով և ներքին հատակով

Հոմանիշներ[խմբագրել]

  1. խավ, երիզ, ծւպք, զոլ, ձուղ, պճեղ, շղարթ, ղունջ

Արտահայտություններ[խմբագրել]

Աղբյուրներ[խմբագրել]

  • Գ. Պարիս, Պոլիգրաֆիական և հրատարակչական տերմինների ռուս-հայերեն համառոտ բառարան, Երևան, «Հայպետհրատ», 1953 — 136 էջ։
  • Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
  • Հողմիկ Սարգսյան, Ռուզաննա Սարգսյան, Երկրաբանական տերմինների եռալեզու հանրագիտական բառարան, Երևան, «Զանգակ», 2014 — 672 էջ։