ոլորել

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ ո•լո•րել 

Ստուգաբանություն[խմբագրել]

ոլոր + -ել

Բայ

  1. առարկայի երկու ծայրերը բռնելով հակառակ ուղղություններով դարձնել՝ պտտել իր առանցքի շուրջը ◆ Ոստը՝ մետաղաճաղը ոլորել:
  2. միատեսակ բաներ (թելեր, մազեր և այլն) իրար հետ միացնելով և ոլորքներ անելով մեկ միասնական հյուսվածք դարձնել, իրար վրա փաթաթելով հյուսել ◆ Ծամը՝ կեմը ոլորել:
  3. մի բանի շուրջը փաթաթել, մի բանի վրա փաթաթել ◆ Պարանի մի ծայրը ոլորելով փորին՝ ոտքը դեմ արեց ծառաբնին և ահագին ծանրությունը քաշեց դեպի իրեն:
  4. մազերը՝ թելիկները և այլն միմյանց փաթաթելով միավորել ◆ Բեխերը ոլորել:
  5. ոլորքներ՝ գալարներ անել՝ սարքել ◆ Եղջյուրը տաքացնելով ու փափկացնելով ոլորեց ու գեղեցիկ օղակներ սարքեց:
  6. ուժգնորեն դարձնել՝ ճկել՝ ծռել ◆ (Որսկանը) բռնեց եղջերուի գլուխը, ոլորեց գեղեցիկ վիզը: Հովհաննես Թումանյան
  7. դարձնել՝ թեքել՝ ծռել դեպի որևէ կողմ, ոլորագիծ ձևացնել՝ սարքել ◆ Նուրբ գծով Վ-ի պոչը ոլորեց և ստորագրության շուրջը գեղեցիկ շրջանակ գծեց:
  8. (փխբ․) ծոր տալով երգել՝ նվագել, զլել ◆ Դեռ ոլորում էին գութանի երգն անգին հոտաղները առանց ետ նայելու: Համո Սահյան
  9. (փխբ․) գլորել, անցնելով կտրել, անցնել ◆ Կառապանը մտածում էր աշխարհի մասին, այնքան, ինչքան կարող է մտածել անիվների տակ շատ ճանապարհներ ոլորած կառապանը: (Սուրեն Այվազյան)
  10. (փխբ․) գալարվելով պատել՝ ծածկել ◆ Հաջորդ գիշերը սաստիկ բուք մը ոլորել էր երկինքը: Ռուբեն Զարդարյան
  11. տե՛ս ոլորակել
  12. (փխբ․) հյուսել, հորինել ◆ Պիտի ըսեմ ես նաև թրթռուն տրոփն իմ սրտին, որ այս գիշեր, սիրելիս, քեզմով լեցուն կբուրե, առանցքին շուրջ իր թեթև ոլորելով երազներ: (Գ․Գալուստյան)

Հոմանիշներ[խմբագրել]

  1. բոլորել, գալարել, ոլորակել, պտույտքել, ոլորել-բոլորել, ոլորտել, շաղապարել (հնց․), (գվռ․) օլրտել, շոլրտել, օլրել, քոլրել, ջախել, հոռ անել, հոռ-հոռ անել
  2. հյուսել, մանել
  3. փաթաթել
  4. ճկել, դարձնել, ծռել
  5. գանգրել, խոպոպել
  6. զլել (ժղ․)
  7. խառնել
  8. տե՛ս ոլորակել

Արտահայտություններ[խմբագրել]

Աղբյուրներ[խմբագրել]