որ
Հայերեն
- ՄՀԱ՝ [vɔɾ]
Դասական ուղղագրութեամբ՝ վանկեր՝ որ
Ստուգաբանություն
[խմբագրել]Շաղկապ
- երկրորդական նպատակային նախադասությունը գլխավորի հետ՝ որպեսզի նշանակությամբ ◆ Եկել եմ, որ մի շնչում երգեմ երգդ այն զիլ-հնչուն Հովհաննես Հովհաննիսյան
- ժամանակի երկրորդական նախադասությունը գլխավորի հետ՝ երբ նշանակությամբ ◆ Նոր էի ընդունվել երիտասարդական թերթում աշխատելու, որ ինձ հանձնարարեցին ակնարկ գրել մի աշակերտի մասին։ Զարզանդ Դարյան
- պայմանի երկրորդական նախադասությունը գլխավորի հետ՝ եթե նշանակությամբ ◆ Որ ընդունվի, լավ կսովորի։ Թշերից արյուն ու լույս է կաթում, մատով որ խփես՝ խալ կվերցրնի։ (Մկրտիչ Խերանյան)
- հիմունքի և պատճառի երկրորդական նախադասությունը գլխավորի հետ՝ քանի որ, դեռ որ նշանակությամբ ◆ Որ թողնում ես ինձ փշերում՝ դու իմ վարդը չես։ Հովհաննես Շիրազ
- որոշիչ երկրորդական նախադասությունը գլխավորի հետ՝ ցույց տալով որևէ բանի չափը՝ աստիճանը՝ որակը՝ բնույթը ◆ Արևն այնքան պայծառ է ու տաք, որ դունչը թաթին՝ շունն է մրափում։ Վահագն Դավթյան
Հոմանիշներ
[խմբագրել]- որպեսզի
- երբ
- եթե
- քանի որ, դե որ
Վերաբերական
[խմբագրել]- արտահայտում է թերահավատություն՝ արդյոք նշանակությամբ ◆ Քո ասածներին ո՞վ կհավատա որ։
- արտահայտում է կասկած՝ երկմտություն՝ զարմանք՝ մի՞թե նշանակությամբ ◆ Այս բոլորը չգիտեի՞ր որ։
- արտահայտում է խոսքի զորացում՝ սաստկացում՝ իսկ, հենց, իսկապես նշանակությամբ ◆ Նա որ երբեք չի մոռանա հին թշնամանքը ԺՕ ◆ Նյարդերս որ անտանելի են (Վահան Տերյան)
- արտահայտում է հիացմունք՝ գոհունակություն՝ բավականություն՝ ա՜յ, ահա՜, հենց նշանակությամբ ◆ Որ չէր երգում՝ գյուղն էր թափվում, կին, տղամարդ շրջապատում, արբում էին նրա երգով։
Հոմանիշներ
[խմբագրել]- արդյոք
- մի թե
- այ, ահա, հենց
Դերանուն
- որպես հարաբերական դերանուն գործածվում է ստորադասական նախադասությունը գլխավորին կապակցելու համար՝ հարաբերյալի փոխարեն՝ նա, ով որ նշանակությամբ ◆ Ամենայն տեղ մահը մի է, մարդ մի անգամ պիտ մեռնե, բայց երանի՜, որ յուր ազգի ազատության կզոհվի։ (Միքայել Նալբանդյան)
- տրոհական-բաշխական իմաստով՝ մեկը… մեկը, ոմանք… ոմանք նշանակությամբ ◆ Որը երգում էր, որը ծափ տալիս, որը կատակում կողքին նստածի հետ։
- որպես հարցական դերանուն՝ ո՞վ, ի՞նչ, ո՞ր մեկը ◆ Այն ո՞ր հերոսը կարող էր նրա դեմ կռվել։
- հարցում ընտրության մասին՝ եղածներից (հնարավորություններից, առաջարկներից և այլն) ա՞յս թե՞ այն, մե՞կը թե՞ մյուսը ◆ Կոստյումներ շատ ունենք, դու ո՞րն ես ուզում։
Արտահայտություններ
[խմբագրել]| Բաղադրյալ բառեր | |
| Թարգմանություններ | |
| |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
Կատեգորիաներ:
- Ձայնային ֆայլերով հայերեն բառահոդվածներ
- Հայերեն բառեր
- Հայերեն շաղկապներ
- Քաղվածք/Հովհաննես Հովհաննիսյան
- Քաղվածք/Զարզանդ Դարյան
- Քաղվածք/Մկրտիչ Խերանյան
- Քաղվածք/Հովհաննես Շիրազ
- Քաղվածք/Վահագն Դավթյան
- Հայերեն վերաբերականներ
- Քաղվածք/Վահան Տերյան
- Հայերեն դերանուններ
- Քաղվածք/Միքայել Նալբանդյան
- Բառեր «Արդի հայերենի բացատրական բառարան» գրքից