որոշել

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ ո•րո•շել 

Բայ

  1. որևէ բան որոշ հատկանիշներով, տվյալներով և այլն պարզել, պարզորոշ դարձնել, պարզորոշել, սահմանել
  2. բնորոշել, բնութագրել
  3. որոշում կայացնել
  4. չափելով, հաշվելով և այլն պարզել, հաշվել
  5. լուծել, պատասխանը գտնել որոշ գործողությունների միջոցով ◆ խնդիրը, առաջադրանքը որոշել
  6. իր համար որևէ բան պարզ դարձնել, պատկերացնել, պատկերացում կազմել ◆ իր անելիքը, դերը, դիրքը որոշել
  7. առանձնացնել, տրամադրել, հատկացնել, նշանակել, սահմանել ◆ թոշակի, աշխատավարձի, վարձատրության չափը որոշել ◆ Ինձ համար որոշեցին մի հարմար սենյակ: (Րաֆֆի)
  8. նշանակել, նշել, նշումներով, նշաններով ցույց տալ ◆ Կետագծերով որոշվեց կտրելու տեղը:
  9. նշանակել, սահմանել, նշել ◆ Նրանք որոշեցին իրենց հանդիպման տեղն ու ժամանակը:
  10. մեկը մյուսից տարբերել, զանազանել ◆ Նա չեր կարողանում պարզորեն որոշել աթարի դեզե՞ր են, թե տներ:
  11. ջոկել, ընտրել ◆ Նա որոշեց նրանց միջից երկու աղջիկ միայն: (Րաֆֆի)
  12. կանխորոշել, պայմանավորել, նախորոշել ◆ Բուդայականությունը կղզիաբնակների կյանքում… որոշում է բազմաթիվ մարդկանց մտքերը և արարքները: (Կ. Ռյուկման)
  13. վճռել, մտադրվել, մտքում դնել ◆ Նա որեշեց հաջորդ օրն իսկ ներկայանալ քաղաքի պարետին:
  14. կռահել, գլխի ընկնել, եզրակացնել ◆ Ներկաների դեմքերի արտահայտությունից դժվար չէր որոշել, որ նրանք հավաքել են ամենևին էլ ոչ զվարճանալու համար: (Կ. Ռյուկման)

Հոմանիշներ[խմբագրել]

  1. սահմանել, կարգել, պարզորոշել, պարզել, որոշարկել, (որևէ բան որոշ հատկանիշներով, տվյալներով և այլն պարզորոշ դարձնել)
  2. տե′ս բնորոշել, բնութագրել
  3. վճռել, կտրել-կապել, վճիռ արձակել, վճիռ կտրել (որոշում կայացնել, վճիռ կայացնել)
  4. մտադրվել, ծրագրել, մտադիր լինել, միտքը դնել
  5. հաշվել, պարզել, հաշվակել (չափելով, հաշվելով և այլն պարզել)
  6. լուծել (որոշ գործողությունների միջոցով պատասխանը գտնել)
  7. տրամադրել, հատկացնել, նշանակել, սահմանել (թոշակ, աշխատավարձ և այլն)
  8. պատկերացնել (իր համար որևէ բան պարզ դարձնել, պատկերացում կազմել)
  9. նշանակել, նշել (նշումներով, նշաններով ցույց տալ)
  10. զանազանել, տարբերել, տարբերակել (մեկը, մյուսից)
  11. ջոկել, ընտրել
  12. կանխորոշել, նախորոշել, նախընտրել, պայմանավորել
  13. կռահել, եզրակացնել, գլխի ընկնել

Արտահայտություններ[խմբագրել]

Ստուգաբանություն[խմբագրել]

Աղբյուրներ[խմբագրել]