ուրախ

Վիքիբառարան-ից

Դասական ուղղագրութեամբ՝ ուրախ

Վանկեր՝ ու•րախ 

Ստուգաբանություն[խմբագրել]

Փոխառություն իրանական աղբյուրից. հմմտ. միջին պարսկերեն urvāxman, մանիքեական պահլավերեն hūrvāxm «ուրախ»:

Ածական

  1. ուրախությամբ լցված՝ համակված՝ տոգորված, Հոգեկան բարձր տրամադրութուն ունեցող ◆ Ուրախ տղա:
  2. ուրախություն սիրող, առհասարակ բարձր տրամադրության հակված, զվարթ, կայտառ, կենսուրախ, կենսախինդ ◆ Ուրախ երգիչ՝ բանաստեղծ:
  3. ուրախություն արտահայտող՝ պարունակող ◆ Ուրախ հայացք՝ տեսք:
  4. ուրախություն պատճառող, ուրախալի ◆ Ուրախ լուր:
  5. ուրախությամբ անց կացրած՝ եղած ◆ Ուրախ ժամեր:
  6. որտեղ կամ երբ ուրախություն է տիրում, ուրախալից, բերկրալից ◆ Ուրախ երկիր՝ երեկո՝ երեկույթ:
  7. գոհ, գոհունակ ◆ Երիտասարդը դառնում էր կռվի դաշտից: Բոլորն ուրախ էին: (Ավետիք Իսահակյան)
  8. զգացողության համար հաճելի՝ դուրեկան, զգացողությունը շոյող ◆ Ուրախ տեսարան՝ ձայներ՝ պարտեզ:
  9. կենսալից, զվարթ, պայծառ, ոչ տխուր, ոչ մռայլ ◆ Ուրախ բնություն՝ եղանակ՝ առավուո:
  10. ոչ մուգ, պայծառ, ոչ մռայլ գույնի ◆ Ուրախ գույն:

Հոմանիշներ[խմբագրել]

  1. զվարթ, կայտառ, կենսախինդ, կենսուրախ, կենսածիծաղ, խնդուն, ծիծղուն, շենշող, շեն, ցնծուն, ժպտուն, բերկրուն, խնդաբարո, զվարդաբարո (հզվդ․), զվարթուն, խրախ, խնծավոր (գվռ․), խնդլիկ, ժանիքը բաց (հեգն․), խնդմնադ, խնդվտուն, բաց սիրտ
  2. գոհ, գոհունակ
  3. տե՛ս ուրախալից
  4. տե՛ս ուրախադեմ
  5. տե՛ս կենսալից
  6. պայծառ, լուսավոր, լուսափայլ, վառ, վառվռուն
  7. տե՛ս դուրեկան

Արտահայտություններ[խմբագրել]