պատել
Հայերեն
Արտասանություն
ՄՀԱ: []
վանկեր՝ պա•տել
Բայ
- բոլոր կողմերից ծածկել, սեղմ կերպով մի բան փաթաթելով պարփակել՝ ծածկել ◆ Դիակը սավանով պատեցին:
- որևէ բանի մակերեսը ծածկել, իր շերտով ծածկել մի բանի երեսը ◆ Ձյունը պատել է դաշտերը։
- շրջապատել, շրջափակել ◆ Հրապարակի չորս բոլորը պատում էին բարձր բարդիները։
- ծածկելով պաշտպանել ◆ Պղնձե զրահը… պատում էր նրա կուծքն ու թիկունքը։ (Մուրացան)
- բռնել, լցնել, ամբողջապես գրավել՝ զբաղեցնել ◆ Զորքը պատել էր ամբողջ դաշտը։
- շրջապատել, շրջապատման մեջ առնել, օղակել, պաշարել ◆ Նադիր Շահը զորք հավաքեց… Եկավ Թմկա բերդը պատեց։ Հովհաննես Թումանյան
- պատ քաշել, ցանկապատել, պատնեշել, պատնեշ կանգնեցնել:◆ Շինականն ամենից առաջ բոստանատեղը պատեց։ (Ակսել Բակունց)
- (փխբ․) իջնել, փռվել, տարածվելով ծածկել՝ պարունակել ◆ Երեկոյան թանձր խավարը պատել էր շրջապատը։ (Րաֆֆի)
- (փխբ․) տոգորել, համակել, լցնել ◆ Եվ նոր ու անկեղծ ինչ-որ հուզմունք է իմ սիրտը պատել (Գևորգ Էմին)
- եզերել, սահմանափակել ◆ Արևմտյան և Հյուսիսային կողմից նրան արմնկաձև պատում էր գետը։ (Մուրացան)
- փաթաթվել, պատ գալ, օղակների՝ ոլորների՝ գալարների մեջ առնել ◆ Օձը պատեց՝ պատ տվեց իր օղակներով խեղճ կենդանուն։
- սարածվելով՝ ծավալվելով իր մեջ առնել, ընդգրկել ◆ Իսկ կրակն ու բոցը, ինչպես մի լայնածավալ հրդեհ, պատում էր պարիսպները, պատնեշները։ (Մուրացան)
- (փխբ․) Մի բանի շուրջը դրվելով՝ փաթաթվելով զարդարել՝ պսակել ◆ Պսակը պատում է պայծառ ազգի ճակատը։ Հովհաննես Հովհաննիսյան
- պատ շարել, պատ դնել՝ կանգնեցնել՝ կառուցել։
- պատով՝ պատնեշով՝ վարագույրով ևն փակել ◆ Մի ուրիշ տան դուռը պատել էին քարով։ (Ակսել Բակունց)
- փաթաթել, ◆ Նա յուր ձեոքովն… օծում էր (նրանց վերքերը) և պատում էր: (Րաֆֆի)
- սեղմորեն իր մեջ առնել, սեղմ կերպով նստել ◆ Զգեստը հիանալի կերպով էր պատում նրա գեղակազմ մարմինը։
- մի բանի շուրջը կապել՝ գցել ◆ Նա նվիրեց ինձ այս շղթան և ինքն էլ վզովս պատեց:
- մի բանի ագուցված՝ հագցված լինել, ագուցվել, գցվել ◆ Ոսկեղեն շղթան է պարանոցը պատում:
- մի բանի մակերեսը որևէ նյութի շերտով ծածկել, որևէ նյութի բարակ շերտով զօծել ◆ Ոսկեփոշով՝ բրոնզով՝ արծաթով թուղթը՝ մետաղը պատել:
- առատորեն լցնել՝ դնել՝ թափել ◆ Տեսակ-տեսակ խմիչքներով և ուտելեղեններով պատեց սեղանը։
- համատարած կերպով որևէ գույնով գունավորել՝ ներկել՝ որևէ երանգ՝ փայլ տալ ◆ Արծաթ պատեց գեղեցիկ գլուխդ։
- ուժ՝ զորություն նշանակող բառերի հետ՝ բավարարել, բավական լինել ◆ Ուժը՝ կարողությունը՝ զորու թյունը՝ զոռը պատել:
Հոմանիշներ
[խմբագրել]- ծածկել, փակել, գոցել (արևմտհ․)
- ծածկել, շղարշել, զօծել, վերարկել (հնց․) պարածածկել (հզվդ․), քաշել (գվռ․)
- շրջապատել, շրջափակել, պարփակել
- շրջապատել, պաշարել, շրջափակել, բոլորել, օղակել, չորս դին անել, չորս կողմը բռնել
- պաշտպանել
- թաքցնել, սքողել, պարասքողել (հնց․)
- պարսպել, պարսպապատել, պատնեշել, ցանակապատել, որմել, որմապատել, շրջափակել, պատ անել, պատ քաշել, պատ դնել, պատ շինել, պատ տալ
- փակել
- (փխբ․) իջնել, փռվել, տարածվել, պարուրել
- (փխբ․) համակել, տոգորել, լցնել, (ժղ․)՝ առնել, բռնել
- ընդգրկել, առնել (իր մեջ)
- փաթաթել
- ծեփել, բռնել
- (փխբ․) պսակել, զարդարել
- նստել (զգեստը)
- կապել, գցել, ագուցել (մի բանի մեջ)
- լցնել, թափել (սեղանը՝ ուտելիքով)
- գունավորել, ներկել, երանգավորել
Արտահայտություններ
[խմբագրել]Խոնարհում
[խմբագրել]| Խոնարհում | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Թարգմանություններ | |
| |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
Կատեգորիաներ:
- Ձայնային ֆայլերով հայերեն բառահոդվածներ
- Հայերեն բառեր
- Պահանջվում է արտասանություն
- Հայերեն բայեր
- Քաղվածք/Մուրացան
- Քաղվածք/Հովհաննես Թումանյան
- Քաղվածք/Ակսել Բակունց
- Հայերեն բառեր փոխաբերական իմաստով
- Քաղվածք/Րաֆֆի
- Քաղվածք/Գևորգ Էմին
- Քաղվածք/Հովհաննես Հովհաննիսյան
- Հայերեն բառեր հնացած իմաստով
- Հայերեն հազվադեպ գործածությամբ բառեր
- Հայերեն բառեր ժողովրդական իմաստով
- Բառեր «Արդի հայերենի բացատրական բառարան» գրքից