պարան

Վիքիբառարան-ից

Հայերեն

CSIRO ScienceImage 8156 Ropes on the RV Southern Surveyor.jpg

Դասական ուղղագրութեամբ՝ պարան

Վանկեր՝ պա•րան 

պարան1[խմբագրել]

Ստուգաբանություն[խմբագրել]

Թերևս կազմված է պար արմատից՝ -ան վերջածանցով. հմմտ. նաև պարանիլ «շրջվել, հետ դառնալ»:

Գոյական[խմբագրել]

  1. կանեփի կամ այլ կարգի ամուր թելի մի քանի տակ ոլորած կամ հյուսած առասան՝ զանազան բաներ կապելու և տնտեսական տարբեր գործածությունների համար, թոկ, չվան, ճոպան ◆ Լուսավորչի կանթեղը կախ է ընկած առանց պարան Արագածի կատարին: (Հովհաննես Թումանյան)
  2. կաշվե երկար ու բարակ շերտ, փոկ ◆ Պատանին տվեց նրան կաշյա երկար պարանը: (Րաֆֆի)
  3. ծայրին օղակ ունեցող թոկ, որ նետելով գցում են թշնամու կամ որսի վիզը, եղջյուրներին և այլն ◆ Ռոստամը չկամենալով սպանել որսը, ձգեց պարանը նրա վզից: (Րաֆֆի)
  4. (հնց․) երկարության չափ, որ օգտագործվում էր հողաչափության մեջ
  5. (փխբ․) որևէ բանի շատ բարակ՝ պարանի նման երկարորեն ձգվող շեշտ՝ հետք և այլն ◆ Ժայռից ի ժայռ ձգած արյան կարմիր պարան: (Կ. Սիտալ)

Հոմանիշներ[խմբագրել]

  1. թոկ, չվան, ճոպան, առասան, լար, մալուխ, կառան, պարուսան (ուղտի), կեմ, ճով (խոտի), սիրա (մազի, սեզի)
  2. օղապարան, օղաթոկ, օղկապ, արկան, քամանդ (գվռ․)
  3. պարանաչափ

Արտահայտություններ[խմբագրել]

  1. պարան չեմ տա, որ խեղդվի - ոչ մի բանի արժանի չէ, նույնիսկ խեղդվելու պարանն էլ ափսոս է
  2. պարանը վիզը գցել
    1. խեղդել
    2. խեղդվել
    3. նեղել, բկին չոքել
    4. կախվել ◆ Ողորմելի մարդը աշխարհիս վրա ապրելը մեռնելուց վատ է ճանաչում ու կամ դեղ կխմի կամ պարանը վզին կգցի: (Ռաֆայել Պատկանյան)
  3. պարանին ցախ չդնել - չվստահել, հավատ չընծայել
  4. պարանի հանել, պարան քաշել - խաբել

Թարգմանություններ[խմբագրել]

պարան2[խմբագրել]

օգտագործվում է միայն արտահայտությունների մեջ

Արտահայտություններ[խմբագրել]

  1. պարան գալ
    1. փլվել, փլուզվել
    2. փռվել, գետին գլորվել, մեկնվել
    3. պտույտ գալ, պտտվել
  2. պարան տալ
    1. փլել, փլուզել
    2. գետին գցել, մեկնել, փռել
    3. շուռ տալ
  3. սիրտը պարան տալ - սիրտը ետ տալ

Աղբյուրներ[խմբագրել]