Jump to content

պնդել

Վիքիբառարան-ից

Հայերեն

Դասական ուղղագրութեամբ՝ պնդել

վանկեր՝ պ(ը)ն•դել 

Ստուգաբանություն

[խմբագրել]

պինդ + -ել

Բայ

  1. հաստատակամորեն պաշտպանել՝ հաստատել իր ասածը՝ կարծիքը՝ տեսակետը, իր ասածի վրա հաստատ մնալ ◆ Եվ վստահաբար կարող եմ պնդել, որ խաչակիրների շարժումը Եվրոպան նետեց հետադիմության մեջ։ (Ավետիք Իսահակյան)
  2. համառել, համառորեն իր ասածը կրկնել ◆ Ես քեզ բացատրում եմ, իսկ դու էլի քոնն ես պնդում: ◆ Հայրիկ, շատ որ պնդես, կպարեմ։ (Նար-Դոս)
  3. պահանջը՝ ցանկությունը անխախտ պահել, պահանջից՝ ցանկությունից չհրաժարվել ◆ - Հայրիկ, շատ որ պնդես, կպարեմ։ (Նար-Դոս)
  4. պնդացնել, ամրացնել ◆ Ձիաների ոտները պնդեցին ոտնակապերով, թողեցին գետեզերքի շամբուտներում արածելու։ (Րաֆֆի)
  5. (փխբ․) սրտապնդել, քաջալերել
  6. (խսկց․) պնդանալ

Հոմանիշներ

[խմբագրել]
  1. պահանջել, ստիպել, ասել (ժղ․), խոսքը առաջ գցել
  2. համառել, կամակորել, համառանալ (հզվդ․), (հնց․)՝ վակժուժել, խժդալ, վակժույժ լինել, (բրբ․)՝ կանգռել, սնդռել, կողքի ընկնել, կողի ընկնել, կողը դեմ տալ, կողքը հաստացնել, ոտքը պինդ դեմ անել, ոտքը պնդել, երկու ոտքը մի մաշիկ դնել, պպին կանգնել, պորտուն կանգնել, կրնկին կանգնել, սատանի ձին թամքել, սատանի ձին հեծնել, ձիգ կենալ
  3. պնդացնել, ամրացնել, ամրապնդել, ամրակել
  4. սրտապնդել, քաջալերել, ոգևորել, ոգեշնչել, խրախուսել, թևավորել, գոտևորել, գոտեպնդել, հորդորել, ներշնչել, ոգեպնդել, (հնց․)՝ պնդասրտել, պնդակազմել, ջլապնդել, (հզվդ․)՝ սրտավորել, սրտազինել, սրտացնել, թևաբուսել, ողերձել, սիրտ տալ, թև տալ, ծոցը քար դնել, (գվռ․)՝ ոտ տալ
  5. պրկել, ձգել, լարել, պնդացնել, քաշել (ժղ․), (գվռ․)՝ զլել, կքել, ձիգ տալ
  6. պնդանալ, թանձրանալ, մածնուլ (հին), լերդանալ (գվռ․)

Արտահայտություններ

[խմբագրել]
  1. սիրտը պնդել - վախը հաղթահարել, արիանալ, զորանալ ◆ Սոսը էս թուք ու մուրը որ առավ, սիրտը պնդեց:(Պերճ Պռոշյան)

Թարգմանություններ

[խմբագրել]

Աղբյուրներ

[խմբագրել]
Ստացված է «https://hy.wiktionary.org/w/index.php?title=պնդել&oldid=1762676» էջից