ստանալ
Հայերեն
- ՄՀԱ՝ [stɑˈnɑl]
Դասական ուղղագրութեամբ՝ ստանալ
վանկեր՝ (ը)ս•տա•նալ
Ստուգաբանություն
[խմբագրել]Բնիկ հնդեվրոպական՝ *stā- «կանգնել, դնել, կանգնեցնել» արմատից. հմմտ. հին հնդկերեն tisthati «կանգնել, ոտքի վրա մնալ», լատիներեն stō «կանգնել», լիտվերեն stataū «զետեղել»։
Բայ
- վերցնել, ընդունել որևէ բան, առնել ◆ Նվեր՝ աշխատավարձ՝ հեռագիր՝ դրամ ստանալ:
- արժանանալ, իբրև շնորհ՝ պարգև ընկալել՝ իրենը համարել՝ դարձնել ◆ Շքանշան՝ մեդալ՝ մրցանակ ստանալ:
- ձեռք բերել, արժանանալ ◆ Թեկնածուի՝ դոկտորի կոչում ստանալ: ◆ Դիպլոմ՝ բժշկի որակավորում ստանալ:
- ի կատար ածելու համար ընդունել՝ վերցնել՝ ստանձնել ◆ Պատվեր՝ առաջադրանք ստանալ:
- որևէ հատկանիշ՝ հատկություն՝ տեսք ընդունել՝ յուրացնել ◆ Որքան մոտենում Էր, այնքան աճում Էր նա, այնքան սոսկալի ձև էր ստանում: (Րաֆֆի)
- մշակելով արդյունահանել՝ արտադրել՝ հայթայթել, մշակությամբ ձեռք բերել ◆ Նավթից բենզին ստանալ:
- աշխատանքով՝ մշակելով արդյունք ձեռք բերել, իբրև աշխատանքի հետևանք ունենալ՝ հայթայթել ◆ Մենք այնտեղից հազիվ թե բերք ստանանք: (Նաիրի Զարյան)
- որևէ կարգի հաղորդում՝ տեղեկություն ձեռք բերել ◆ Լուր՝ տեղեկություն՝ իրազեկում ստանալ:
- որոնելով՝ հետազոտելով՝ ուսումնասիրելով որևէ բան քաղել՝ ձեռք բերել ◆ Մեր հնագետները նոր տվյալներ են ստացել հին Հայաստանի մշակույթի վերաբերյալ։
- վաստակել, ըստ արժանվույն ձեռք բերել՝ յուրացնել ◆ Գնա՛, իմ որդյակ, աշխարհը անցի՛ր, փառավոր անուն Մեծի դու ստացիր: Ռափայել Պատկանյան
- իբրև վարձատրություն ունենալ, վարձատրվել, շահել ◆ Ես չկարողացա ստուգել, թե ինչքան են ստանում զուռնաչին ու դհոլչին։ (Ակսել Բակունց)
- ժառանգել, իբրև ժառանգություն ձեռք բերել՝ ունենալ ◆ Ու Սայիդը իր կնոջ ու երեխաների հետ միասին ստացավ ահագին հարստություն։ Հովհաննես Թումանյան
- բաժանորդագրված լինել, աժանորդագրությամբ իրեն վերապահել՝ ձեռք բերել ◆ - Դուք ստանու՞մ եք այդ թերթը։ (Նար-Դոս)
- որևէ բան քաղել՝ վայելել ◆ Հաճույք՝ բավականություն ստանալ:
- որևէ բանի ենթարկվել, որևէ բան կրել ◆ Նկատողություն՝ հանդիմանություն ստանալ:
- որևէ հիվանդությամբ վարակվել՝ հիվանդանալ, որևէ հիվանդություն ձեռք բերել ◆ Խենթերը ամենից ավելի ծյուրախտ են ստանում: (Վահրամ Փափազյան)
- որևէ բանի հանգել, որևէ արդյունքի՝ հետևանքի հասնել ◆ Այդքան զրպարտություններ գրեցիր, ի՞նչ ստացար:
- վերացական գոյականների հետ նշանակում է գոյականի արտահայտած գործողությանը ենթարկվել կամ վիճակի մեջ գտնվել ◆ Կիրառություն ստանալ - կիրառվել, գործադրություն ստանալ - գործադրվել, մահ ստանալ - մեռնել և այլն։
Հոմանիշներ
[խմբագրել]- առնել, վերցնել, ընդունել, վերառնել (հնց․), ձեռ բերել
- արժանանալ
- վերցնել, ստանձնել
- ընդուել, յուրացնել
- արտադրել, արդյունահանել
- վաստակել, յուրացնել
- վարձատրել
- ժառանգել
- վայելել, քաղել
- հանգել, հասնել
Արտահայտություններ
[խմբագրել]| Բաղադրյալ բառեր | |
| Թարգմանություններ | |
| Խոնարհում | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։