վազք

Վիքիբառարան-ից

Հայերեն

Արտասանություն

Դասական ուղղագրութեամբ՝

Վանկեր՝ վազք 

Ստուգաբանություն[խմբագրել]

Գոյական

  1. վազելը, վազելու գործողությունը ◆ Նրանք հևում էին վազքից։ (Դերենիկ Դեմիրճյան)
  2. վազելու եղանակը՝ ձևը՝ արագությունը
  3. որոշակի տարածություն և որոշակի եղանակով ու արագությամբ վազելը որպես մարզաձև ◆ Վազքի մրցում։ ◆ Հեծանվային վազք։
  4. սրարշավ ընթացք՝ շարժում (սլացք, հոսանք և այլն)
  5. (փխբ․) առհասարակ՝ առաջընթաց շարժում, ընթացք ◆ Ժամանակի վազք:
  6. (փխբ․) առաջընթաց, առաջխաղացում, բուռն զարգացում ◆ (Արագանում է) ալժիրյան բնիկների կուլտուրական վազքը: (Ազատ Վշտունի) ◆ Մենք հայեցող ոգով ենք ձգտում հասնել քո ընթացքին, քո վազքին, քո վեհությանը պերճ։ (Եղիշե Չարենց)
  7. այն տարածությունը՝ ճանապարհը, որ մեքենան՝ գնացքը և այլն անցնում է որոշակի ժամանակամիջոցում ◆ Ճանապարհը երկար է, չորս-հինգ ժամվա մեքենայի վազք։ (Սիլվա Կապուտիկյան)
  8. այն տարածությունը, որ փոխադրամիջոցն անցել է իր ընթացքով ◆ Ամբողջ վազքի կեսը մեքենան կատարեց դատարկ:
  9. մեքենայի (գնացքի, տրակտորի և այլնի) կատարելիք ընթացքը որպես սահմանված (պլանավորված) աշխատանք ◆ Տրակտորը կատարել էր իր վազքը: (Ռաֆայել Աթայան)

Հոմանիշներ[խմբագրել]

Արտահայտություններ[խմբագրել]

  1. վազք տեղում (սպորտ․) - մարմնամարզական վարժություն, որի ժամանակ առանց տեղից շարժվելու՝ կատարում են վազողի շարժում (ոտքերն արագ-արագ վեր ու վար անելով և իրանը վեր ձգելով)

Աղբյուրներ[խմբագրել]