վայրկյան

Վիքիբառարան-ից

 Flag of Armenia.svg Հայերեն[խմբագրել]

Դասական ուղղագրութեամբ՝ վայրկեան

Վանկեր՝ վայր•կյան 

Ստուգաբանություն[խմբագրել]

Գոյական

  1. ժամանակի չափի միավոր, որ հավասար է րոպեի մեկ վաթսուներորդ մասին ◆ Բանտի միջից ես ամեն րոպե, ամեն վայրկյան տեսնում եմ, թե ինչ է կատարվում Հայոց աշխարհում։ (Րաֆֆի)
  2. շատ կարճ միջոց, ակնթարթ ◆ Համբարձման գիշեր, էն դյութիչ գիշեր, կա հրաշալի երջանիկ վայրկյան: (Հովհաննես Թումանյան) ◆ Թող հիշատակն այն վայրկենի ինձ հետ մնա։ (Հովհաննես Թումանյան)
  3. (արևմտհ․) ժամանակի միավոր, որը հավասար է մեկ ժամի վաթսուներորդ մասին, րոպե ◆ Քանի մը վայրկյան ձեզի հետ տեսնվիլ կը փափաքեի: (Հակոբ Պարոնյան)
  4. (մաթ․) հարթ անկյունների և աղեղների չափման միավոր, որ հավասար է րոպեի 1/60 մասին և նշանակում է " նշանով, որ դրվում է թվի վերջին՝ աջ անկյունում
  5. (աշխգր․) շրջանի աստիճանի երեք հազար վեց հարյուրերորդ կամ րոպեի մեկ վաթսուներորդ մասը, մանրերկրորդ ◆ Շրջանն ունի երեք հարյուր վաթսուն աստիճան (°), աստիճանն ունի 60 րոպե ('), րոպեն ունի վաթսուն վայրկյան ("): (Ստեփան Մալխասյանց)
  6. պահ ◆ Նրա առաջ այդ վայրկյանին բացվում էր բնության գեղանկար մի պատկեր: (Մուրացան)
Հոմանիշներ[խմբագրել]
  1. երկվայրկյան (արևմտհ․)
  2. (արևմտհ․) րոպե
  3. ակնթարթ, պահ, պահիկ, վայրիկ (արևմտհ․)
Արտահայտություններ[խմբագրել]
  1. վայրկյան առ վայրկյան - ամեն վայրկյան ◆ Վագոնի լուսամուտների առջևով սկսեցին ետ փախչել ինչ-որ ճրագներ, վայրկյան առ վայրկյան լուսավորելով վագոնի ներսը: (Նար-Դոս)