տափակ

Վիքիբառարան-ից

 Flag of Armenia.svg Հայերեն[խմբագրել]

Դասական ուղղագրութեամբ՝ տափակ

Վանկեր՝ տա•փակ 

Ստուգաբանություն[խմբագրել]

Ածական

  1. հարթ մակերևույթ ունեցող, առանց խորդուբորդությունների, հարթ ◆ Տափակ դարավանդ՝ գետին։ ◆ Ներքևում հեռու՜-հեռու՜ տարածվում էր անսահման տափակ հարթավայրը: (Հովհաննես Թումանյան) ◆ Ստրկությունը սկսվել է և շարունակվել տափակ երկրների վրա և ավելի տաք կլիմայի մեջ: (Րաֆֆի)
  2. սովորական ուռուցիկությունը չունեցող, սեղմված, ճնշված ◆ Տափակ կտուր՝ կուրծք։ ◆ Բժշկի աչքերն ակնոցի միջով տեսան վտիտ ուսերը, տափակ կուրծքը և ձյունի պես սպիտակ մարմինը: (Ակսել Բակունց) ◆ Տղան ծնվեց սև ինչպես ածուխ, հաստ շրթունքներով և տափակ քթով: (Րաֆֆի)
  3. ոչ խորը, աննշան խորություն ունեցող ◆ Տափակ ափսե:
  4. ոչ հաստ կամ ոչ բարձր, բայց հարթ մակերևույթ ունեցող ◆ Հողաշեն մանր ու տափակ տները մեջեմեջ ու խիտ աղյուսի դարսվածքներ էին հիշեցնում: (Դերենիկ Դեմիրճյան)
  5. հարթ մակերես ունեցող ◆ Անտաշ քարեր կան, կարգով շարած, շրջանաձև, շրջանի մեջտեղ մի մեծ տափակ քար, որի վրա աղ են շաղ տալիս ոչխարի համար: (Ակսել Բակունց)
  6. (փխբ․) անհամ, ձանձրալի, ոչ սրամիտ ◆ Տափակ թե սուր քարոզներից ինքս էլ եմ միշտ, տղաս, խորշում: (Պարույր Սևակ)
  7. (փխբ․) բութ, սահմանափակ ◆ Այդ հիմար ծիծաղելի բառը, որ այնքան հաճելի է տափակ գլխի տեր մարդկանց: (Շիրվանզադե)

Հոմանիշներ[խմբագրել]

  1. հարթ, միահարթ, սափալ, (հնց․) (գվռ․) տափլակ, տափլիկ
  2. (փխբ․) անհամ, անհամեմ, ձանձրալի
  3. բթամիտ, թանձրամիտ, ծանծաղամիտ, տափակամիտ, տկարամիտ, տխմարամիտ, հաստամիտ, ծանրամիտ, թուլամիտ, պակասամիտ, ցանցառամիտ, փափկամիտ, հիմարամիտ, անասնամիտ, գրաստամիտ, պաճարամիտ (արևմտհ․), դժվարիմաց (հին), թանձրագլուխ, հաստագլուխ, պնդագլուխ, տափակագլուխ, դդմագլուխ, անհասկացող, անընդունակ, անուղեղ, անխելք, ապուշ, տխմար, հիմար, (փխբ․)՝ բութ, դդում, (ժղ․)՝ կոպալագլուխ, գոնչագլուխ, դոդգլուխ, իշագլուխ, զռագլուխ, կովգլուխ, կովմիտ, երկարականջ, տավար, գոնչ, դմբո, դմբլո, դոդո, դոմդոմ, դոնգի, դոմ, դունդի, զռչո, կոմբո, կոճոռ, տլմոշ, խելքի տոպրակ, ծալը պակաս, տախտակը պակաս, տանձի կոթ, փայտի կոթ, հորթի (գոմշի) գլուխ, վերնատունը դատարկ, գլուխը հաստ, բեյինը հաստ

Արտահայտություններ[խմբագրել]

  1. տափակ ոտք, (բժշկ․) - առանց խորության՝ բոլորովին հարթ ոտնաթաթ, որի պատճառով ոտքը հենվում է ամբողջ թաթի վրա (ոտքի ֆիզիկական արատ)
  2. տափակ կտուր - հորիզոնական հարթ մակերևույթ ունեցող կտուր
  3. տափակ կրունկ - կոշիկի ցածր կրունկ ◆ Ամեն ինչ նրանց վրա նորաձև էր, սկսած կոշիկների սուր ծայրերից և տափակ կրունկներից մինչև գլուխների մազերի սանրվածքը: (Շիրվանզադե)
  4. տափակ որդեր (կենդբ․) - որդերի մի տիպը, որին պատկանում է երիզորդը

Թարգմանություններ[խմբագրել]