տիկ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝ տիկ

վանկեր՝ տիկ 

տիկ 1[խմբագրել]

Ստուգաբանություն[խմբագրել]

Թերևս բնիկ հնդեվրոպական՝ *dig- «այծ» արմատից. հմմտ. հունարեն διζα, հին վերին գերմաներեն Ziege «այծ»:

Գոյական

  1. կենդանիների (առավել այծի և ոչխարի) մորթու (առանց փորի կողմը կտրելու) տոպրակ՝ մեջը գինի, ձեթ, պանիր և այլ կարգի մթերքներ լցնելու համար ◆ [Զինվորները] կոտրելով մի նոր մառանի դուռ՝ սկսել էին դուրս բերել յուղի, պանրի և մսեղենի պահածոյի մորթե տկերը։ (Դերենիկ Դեմիրճյան)
  2. այդպիսի տոպրակից պատրաստված նվագարան, պարկապզուկ, տկզար ◆ Շատ անգամ կարող ես հանդիպել հովվական տիկի, որը մի ուռեցրած տիկ է, ծայրումը ունենալով երեք-չորս ծակեր ունեցող մի զուռնա։ Վրթանես Փափազյան
  3. մի տիկի տարողություն ◆ Ինչ մեծ բան է ախպոր համար մի տիկ գինին։ Սերո Խանզադյան
  4. (խոհր․) հիմնականում այծի մորթու մշակումից ստացած, պատրաստած յուրատեսակ պարկ է, տարողությունը՝ կապված կենդանու խոշորությունից
  5. (բանկ․) նվազագույն թույլատրելի կանոններով սահմանափակված փոխարժեքի տատանումը բորսայում
  6. (երաժշտ․) տես՝ պարկապզուկ

Հոմանիշներ[խմբագրել]

  1. տկճոր, հադաղակ, ռումբ (գվռ․)
  2. պարկուճիկ (յուղի)
  3. տե՛ս տկզար

տե՛ս պարկապզուկ

Արտահայտություններ[խմբագրել]

  1. տիկ հանել
    1. մաշկը հանել՝ տիկ պատրաստել
    2. (հին) մարդու մաշկը տիկի նման հանել (իբրև պատժամիջոց) ◆ Արքայորդին հասնելով Բագրևանդ, զորեղ կռիվ է ունեցել Յուսուփի թողած զորքերի հետ, որոնց և իսպառ ջարդել ու ցրել է, իսկ նրանց գլխավոր իշխաններին բռնելով՝ տիկ է հանել և ամրոցների աշտարակներից կախել։ (Մուրացան)
  2. տկի պես հոտել - գինու ուժեղ հոտ տարածել, խմած լինել ◆ Երեցը լուրջ է երևում… Ընչի՞ց հասկացար։ - Բերանիցը հոտ չէր գալիս, ուրիշ ժամանակ մոտ գնալ չի լինում, տկի պես է հոտում։ (Պերճ Պռոշյան)
  3. նոր գինին նոր տիկի մեջ ածել - նոր գաղափարները նոր միջոցներով տարածել ◆ Բայց պետք էր ի նկատի ունենալ այն մեծ վերանորոգիչի խրատը, թե «նոր գինին պետք է նոր տիկի մեջ ածել, եթե տիկը հին է, կպատռվի, և գինին վիթվելով կոչնչանա…»։ (Րաֆֆի)

տիկ 2[խմբագրել]

Ստուգաբանություն[խմբագրել]

Գոյական

  1. վուշի կամ բամբակի հաստ ու խիտ գործվածք, որ գործածվում է ներքնակների երեսի, ծածկոցների և այլնի համար, խտակտավ

Հոմանիշներ[խմբագրել]

  1. տե՛ս խտակտավ

Արտահայտություններ[խմբագրել]

Թարգմանություններ[խմբագրել]

Աղբյուրներ[խմբագրել]

  • Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
  • Լ․ Մուղնեցյան, Մասնագիտական տերմինների բացատրական բառարան, Գյումրի, «Իմաստասեր Անանիա Շիրակացի համալսարանի տպագրություն», 2007 — 268 էջ։
  • Դանիել Ջհանգիրյան, Բանկային տերմինների բացատրական բառարան, Երևան, «Նոյյան տապան», 2008։
  • Կ․Ե․ Մելիք-Վրթանեսյան, Մ․ Ա․ Տոնյան, Երաժշտական բացատրական բառարան, Երևան, «Խորհրդային գրող», 1989 — 270 էջ։