տոկոս

Վիքիբառարան-ից
Jump to navigation Jump to search

Հայերեն

«տոկոս» ժեստը հայերեն ժեստերի լեզվով
Տոկոսի նշան

Դասական ուղղագրութեամբ՝ տոկոս

վանկեր՝ տո•կոս 

Ստուգաբանություն[խմբագրել]

Փոխառություն՝ հունարեն τόχος:

Գոյական

  1. ամբողջական թվի հարյուրերորդական մասը (նշանակվում է %-ով)
  2. որևէ բանի քանակ, որ չափվում է որպես միավոր ընդունված որևէ բանի հարյուրերորդական մասով ◆ Կային առանձին մարդիկ, որոնք նորման կատարում էին հարյուր հիսուն… տոկոսով: Սերո Խանզադյան
  3. մի տարվա ընթացքում դրամագլխի յուրաքանչյուր հարյուր դրամի դիմաց ստացվող շահը ◆ Մայրը պատասխանեց, որ նա ուղարկած փողերը կոպեկ առ կոպեկ գցել է դրամարկղ և հիմա լավ տոկոսներ է բերում: Սերո Խանզադյան
  4. այն վարձը, որ ստանում է վարկատուն՝ պարտատերը և այլն պարտք տված դրամի դիմաց ◆ Դավիթը ապշեց, նա սկի չէր էլ կարող մտածել, որ իր մի ոսկի պարտքը կարող է մի տարվա մեջ 1½ ոսկի տոկոս ծնել: Վրթանես Փափազյան ◆ Քանի շաբաթից հետո նրա ցանքը սկսավ բուսնել, կանաչել և աճել, բայց նրա հետ աննկատելի կերպով աճում և բազմանում էր տոկոսը նրա պարտատոմսակի, որ տվել էր նա խանի որդուն: (Րաֆֆի)
  5. շրջանառությունից՝ եկամտից և այլնից հասնող բաժին՝ մաս
  6. (տնտգ․) (ֆին․) կազմակերպության, վարկառուի կողմից դրամական միջոցների կամ հասանելիք գումարների օգտագործման դիմաց վճար է, որը հանդես է գալիս ստացվելիք տոկոսային եկամտի և վճարվելիք տոկոսային ծախսի տեսքով
  7. (գյուղտնտ․) (անտառ․) նորմա
  8. աստիճան# , գործակից
  9. ցուցանիշ

Հոմանիշներ[խմբագրել]

  1. առհարյուր (արևմտհ․)
  2. շահ, վաշխ, (հնց․) սակ, փոխորդի, տոկոսիք, թեր, (գվռ․) կաթ, շահի շահ
  3. բաժին, մաս, մասնաբաժին

Արտահայտություններ[խմբագրել]

  1. բարդ տոկոս - դրամագլխի վրա բարդվող յուրաքանչյուր տարվա տոկոսը, որ հաջորդ տարիներին իր հերթին ինքն էլ տոկոս է բերում
  2. հարյուր տոկոսով - լրիվ չափով, ամբողջությամբ
  3. պարզ տոկոս - այն տոկոսը, երբ ժամանակի որևէ միավորի ընթացքում (օրինակ՝ մի տարում) առաջացած աճը չի ավելանում սկզբնական թվին և չի մասնակցում նրա հետագա (հաջորդ տարիների) աճմանը
  4. վաշխառուական տոկոս - օրենքով սահմանված տոկոսից ավելի բարձր տոկոս
  5. օրինական տոկոս - տվյալ պետության մեջ օրենքով սահմանված չափից չանցնող տոկոս

Աղբյուրներ[խմբագրել]

  • Աշոտ Մարկոսյան, Տիգրան Դավթյան, Ամենագործածական տնտեսագիտական տերմինների բացատրական բառարան, Երևան, «Լեգալ Պլյուս», 2008 — 218 էջ։
  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։
  • Ա․Հ․ Բայադյան, Ֆինանսական բացատրական բառարան, Երևան, «Ասողիկ», 2004 — 334 էջ։
Wiki.png
Վիքիպեդիայում հոդված կա հետևյալ թեմայով՝ Տոկոս: