տոհմ
Հայերեն
- ՄՀԱ՝ [tɔhm]
Դասական ուղղագրութեամբ՝ տոհմ
վանկեր՝ տոհմ
Ստուգաբանություն
[խմբագրել]Փոխառություն իրանական աղբյուրից. հմմտ. միջին պարսկերեն tohm, սողդերեն toxm «սերունդ»։
Գոյական
- նախնադարյան հասարակության հիմնական արտադրական բջիջը՝ միավորը
- մի նախահորից սերված մարդկանց խումբ, որոնք իրար հետ կապված են արյունակցական կապերով ◆ Իշխում էր տոհմի ավագը, որ կոչվում էր նահապետ կամ տանուտեր։ (Րաֆֆի)
- իր նահապետի անունով կոչվող առանձին նախարարություն, նախարարական ազգ՝ ցեղ ◆ Մամիկոնյան տոհմը իրավունք ունի պարծենալու այդ սրով, որ մեր աշխարհի ամեն մի ճգնաժամի ժամանակ պաշտպան է հանդիսացել հայրենիքին։ (Րաֆֆի)
- նախարարական բուն ցեղի կողմնակի ճյուղը
- ազնվականական՝ իշխանական ծագում ունեցող մարդկանց առանձին խումբ ◆ Նա պարսից արքայական տոհմից՝ հզոր Շապուհի քույր Որմիզդուխտն էր։ (Րաֆֆի)
- մարդկային ցեղ
- ազգատոհմ, ազգ, գերդաստան ◆ Ձեր քաջանց տոհմը հին է ու քաջության օրինակներով հայտնի։ Սերո Խանզադյան
- ցեղ (ազնվատոհմ կենդանիների) ◆ Խանը կամենում էր տեղեկանալ նժույգների տոհմը, ծագումը։ (Րաֆֆի)
- (միգ․) նախնիներ և հետնորդներ․ ընտանիք՝ վերընթաց կամ վայրընթաց գծով ազգականներ
Հոմանիշներ
[խմբագրել]- ազգ, ազգատոհմ, սերունդ, ճետ
- (պատմ․) ազգ, ցեղ
- (պատմ․) զարմ
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | տոհմ(ը) | տոհմեր(ը) |
| Սեռ. | տոհմի | տոհմերի |
| Տր. | տոհմի(ն) | տոհմերի(ն) |
| Հայց. | տոհմ(ը) | տոհմեր(ը) |
| Բաց. | տոհմից | տոհմերից |
| Գործ. | տոհմով | տոհմերով |
| Ներգ. | տոհմում | տոհմերում |
| Թարգմանություններ | |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Միգրացիայի ոլորտի տերմինների բառարան, Գյումրի, «Միգրացիայի Միջազգային Կազմակերպություն», 2013 — 175 էջ։