րոպե

Վիքիբառարան-ից
Jump to navigation Jump to search

Հայերեն

«րոպե» ժեստը հայերեն ժեստերի լեզվով
«մեկ րոպե» ժեստը հայերեն ժեստերի լեզվով
«չորս րոպե» ժեստը հայերեն ժեստերի լեզվով
«վեց րոպե» ժեստը հայերեն ժեստերի լեզվով

Դասական ուղղագրութեամբ՝ րոպե

վանկեր՝ րո•պե 

Ստուգաբանություն[խմբագրել]

Փոխառություն՝ հունարեն ρόπή:

Գոյական

  1. ժամանակի չափման միավոր = ժամի 1/60-ին ◆ Ժամացույցի սլաքները ցույց էին տալիս 7- ից 10 րոպե պակաս։ (Նար-Դոս)
  2. (արևմտհ․) վայրկյան
  3. (փխբ․) կարճ ժամանակ, ժամանակի շատ կարճատև հատված ◆ Ի՜նչ ծանր բան է. մի րոպեում կարող ես վերջացնել:
  4. (փխբ․) պահ, որոշ իրադարձությամբ՝ վիճակով և այլնով բնութագրվող ժամանակահատված ◆ Բոլորս զգում էինք րոպեի խորհրդավորությունը: (Վահան Տերյան) ◆ Թվաց մի րոպե, որ նա շփոթված էր այն բուռն զգացմունքների արտահայտությունից և հուզված: (Վահան Տերյան)
Հոմանիշներ[խմբագրել]
  1. (նորբ․) ակնթարթ, պահ, պահիկ, երկվայրկյան
Արտահայտություններ[խմբագրել]
  1. րոպեի ազդեցության տակ - իրադրության՝ վիճակի՝ տվյալ պահի ապրումների և այլնի մեջ իրեն տիրապետել՝ հաշվի տալ չկարողանալով ◆ Լոկ րոպեի ազդեցության տակ դեն հրեց իրենից այն երիտասարդին, որին սիրում էր: (Նար-Դոս)
  2. րոպեից օգտվել - հարմար առիթն օգտագործել
  3. րոպեն (ձեռքից) բաց թղնել - հարմար պահը՝ առիթը չկարողանալ օգտագործել ◆ Շահյանը զգաց, թե որպիսի թանկագին րոպե բաց թողեց ձեռքից: (Նար-Դոս)
  4. րոպեն թանկ է - հետաձգել չի կարելի, հարմար պահը պետք է օգտագործել
  5. րոպեն կորցնել - նույն է՝ րոպեն ձեռքից բաց թողնել
  6. ամեն րոպե - շարունակ, միշտ, ամեն ժամանակ
  7. րոպե առ րոպե
    1. պատեհ թե անպատեհ, տեղի-անտեղի ◆ Անհանգստությունն ավելանում էր րոպե առ րոպե, քնի մոտենում էր գնացքի ժամանման րոպեն: (Նար-Դոս)
    2. ամեն րոպե, ամեն պահ, հենց այս րոպեին կամ հաջորդ րոպեին ◆ Հայոց վերջապահ գնդերը րոպե առ րոպե սպասում էին Արտաշատու կողմից լինելիք հարձակմանը։ (Մուրացան)
  8. այս րոպեիս - իսկույն, անմիջապես
  9. նույն րոպեին
    1. անմիջապես, տեղնուտեղը
    2. միաժամանակ, զուգահեռաբար
  10. ուզած րոպեին - ամեն ժամանակ, երբ էլ լինի

Աղբյուրներ[խմբագրել]

  • Ալինա Մուրադյան, Նորածանոթ բառերի բացատրական բառարան (Իմաստասեր Անանիա Շիրակացի համալսարան), Երևան, 2006 — 60 էջ։