փախցնել
Հայերեն
- ՄՀԱ՝ [pʰɑχt͡sʰˈnɛl]
Դասական ուղղագրութեամբ՝
վանկեր՝ փախ•ց(ը)•նել
Ստուգաբանություն
[խմբագրել]Բայ
- փախուստի մատնել ◆ Ու ման է գալիս սարերը ընկած Սարոն փախցրած եղջերվի նման։ Հովհաննես Թումանյան
- մեկին՝ մի բան՝ մի տեղից ծածուկ հանել-հեռացնել ◆ Սրվանձտյան Գարեգին իշխանը… մտադրվել էր այրուձին փախցնել Հայաստան։ Դերենիկ Դեմիրճյան
- հափշտակել, գողանալ ◆ Ամբողջ մի ամիս խումբը զինավառ Սարեր ու ձորեր ոտնատակ տվեց Չոբան Սարոյին գտնելու համար, Որ սարիցն իջավ, Անուշին փախցրեց: Հովհաննես Թումանյան
- քշել, վանել, հեռու քշել
- խլել, թռցնել, կորզել ◆ Նրանք ձին չափ գցած ժամանակ իրար գլխարկ էին փախցնում, և ընկերախաղի տալով, աշխատում էին իրենց շնորհքը ցույց տալ։ Հովհաննես Թումանյան
- արագորեն ետ քաշել, ետ տանելով՝ հեռացնելով պրծացնել ◆ Թափը բռնեցի ու էն սուր դանակովը ղռթ կտրեցի… թաթը փախցրեց: Հովհաննես Թումանյան
- բաց թողնել ◆ Աշխատիր ոչ մի բառ չփախցնել քո լսողությունից։ (Րաֆֆի)
- անհետացնել, չքացնել ◆ Շատ է փախցրել նա իմ մանկական կարոտ աչքերից վառ երազներիս թանգ տեսիլքները։ Հովհաննես Թումանյան
- ցրել, փարատել
- հարմար առիթը՝ հանգամանքը և այլն չօգտագործել, հարմար՝ պատեհ առիթից չօգտվել, առիթը բաց թողնել ◆ Երեկույթն… այնպիսի առիթ մ’ը, զոր պետք չէ, որ փախցնե օրիորդ Աստղիկը։ Տիգրան Կամսարական
Հոմանիշներ
[խմբագրել]- հեռացնել, փախ տալ,
- գողանալ, խլել, հափշտակել, կորզել, շորթել, կողոպտել, թալանել, թռցնել, թալանել, թռցնել, հափհափել, հափել, պլոկել, չանթել, չմփել, չմթել, չոնթել, հափռել, գջլել, շոպկել, ապշոպել, թրշկել, ծլկացնել, ծլկեցնել, ծմպացնել, ծպպացնել, ծոնթել, ծկթել, ճնգռթել, ճնգրտել, կողոպտել, թալանել, հափշտակել, գրպանել, թռցնել ծլկեցնել, ծմպացնել, ծպպացնել, ապպացնել, չանթել, չմթնել, չնթնել, չմպել, հափռել, շնքել, ծկրել, ծոնթրել, հարյավ անել, ծհուր անել, մատնամեջ անել, տակաթաղ անել, աչքից ծարիր թռցնել, շիքիլ թխել
- վանել, քշել, հեռացնել, փախուստի մատնել
- խլել, առնել, ափել, շոպել
- ազատել, (հնց․)՝ փրկագործել, փրթուցանել, (գվռ․)՝ պրծացնել, փրթացնել, հարահաս լինել
- անհետանալ, աներևույթանալ, անեանալ, չքվել, (փխբ․)՝ շոգիանալ, ցնդել, (գվռ․)՝ չռզակվել, ոնդրկել, ոնդրկվել, երազ դանալ, աչքից կորչել
- ցրել, ցվրտել, ցփնել, ցրքել, ցիրուցան անել, ցրիվ տալ, ցրիվ ածել, ցրիվ անել, ցրիվ երել
- առևանգել, հափշտակել, հափափել, հափռել
- տե՛ս կորցնել
- առիթը բաց թողնել
Արտահայտություններ
[խմբագրել]| Բաղադրյալ բառեր | |
| Թարգմանություններ | |
| |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։