փորձ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝ փորձ

վանկեր՝ փորձ 

Ստուգաբանություն[խմբագրել]

Բնիկ հնդեվրոպական՝ *phor-g՛-` *per- «փորձել» արմատից. հմմտ. հունարեն πεïρα «փորձ, փորձառություն», լատիներեն periculum «փորձ, փորձարկություն», վտանգ, փորձանք», experimentum «փորձ, փորձարկություն», հին վերին գերմաներեն fara «լրտեսում, վտանգ»:

Գոյական

  1. կյանքից՝ գործունեությունից և այլն քաղած գործնական գիտելիքների, հմտությունների, ունակությունների և այլն ամբողջությունը
  2. կյանքում արդեն եղած՝ տեղի ունեցած իրողություն՝ դեպք, գործողություն և այլն, որ ծառայում է իբրև խրատ
  3. պատերիալիստական փիլիսոփայության մեջ, բնության վրա ներգործելու ընթացքում ձեռք բերած և նյութական աշխարհի մասին մարդու գիտելիքների աղբյուրն ու հիմքը հանդիսացող զգայական ընկալումների ամբողջությունը
  4. որոշակի պայմաններում որևէ երևույթի վերարտադրությունը նոր երևույթի դիտարկումը՝ ուսումնասիրության նպատակով
  5. որևէ բան կատարելու՝ որևէ գործողություն սկսելու նախնական քայլ, որևէ բան անելու նշան՝ արտահայտություն ◆ Ապստամբության փորձ
  6. որևէ բան ստուգելու կամ ապացուցելու համար կատարվող գործ՝ արարք և այլն
  7. արվեստի՝ գրականության՝ գիտության աշխատողի առաջին ստեղծագործությունները, որոնք դեռևս կատարյալ չեն համարվում
  8. հեղինակի կողմից որևէ բանի լիակատար՝ սպառիչ ուսումնասիրությունը՝ ստեղծագործական մշակումը և այլն չհամարվող ◆ Ներկա աշխատությունը մի փորձ է
  9. աշխատանքի ծառայության մեջ վարժվելու՝ հմտանալու սկզբնական գործունեություն
  10. փորձություն, փորձանք
  11. (փխբ․) չմշակված անրհրաժեշտ պահանջներին չհամապատասխանող գրական՝ գիտական՝ արվեստի գործ
  12. ներկայացման՝ համերգի և այլն համար նախատեսված դրամատիկական կամ երաժշտական ստեղծագործության փորձնական կատարումը՝ սովորելու՝ վարժվելու համար
  13. փորձված, փորձառություն ձեռք բերած, փորձառու
  14. ներկայացում ստեղծելու հիմնական ձևը
  15. (հրտ․) տպագրական ֆորմայից ստացված առաջին օտիսկները
  16. (հատուկ կրթ․) հմտություն, որը ձեռք է բերվում անձնական դիտարկումների կամ գործունեության մեջ անձի անմիջական մասնակցության շնորհիվ
  17. (կենսք․) օրգանիզմի և նրա առանձին օրգանների ու հյուսվածքների ֆունկցիաներն ուսումնասիրելու, դրանց մեխանիզմները պարզելու, պատճառական կապերը և օրինաչափությունները բացահայտելու նպատակով կենդանիների կամ մարդկանց վրա կատարվող հատուկ միջամտություն

Հոմանիշներ[խմբագրել]

Արտահայտություններ[խմբագրել]

Աղբյուրներ[խմբագրել]

  • Լևոն Հախվերդյան, Թատերագիտական բառարան, Երևան, «Հայաստան հրատարակչություն», 1986 — 208 էջ։
  • Գ. Պարիս, Պոլիգրաֆիական և հրատարակչական տերմինների ռուս-հայերեն համառոտ բառարան, Երևան, «Հայպետհրատ», 1953 — 136 էջ։
  • Կ․Ե․ Մելիք-Վրթանեսյան, Մ․ Ա․ Տոնյան, Երաժշտական բացատրական բառարան, Երևան, «Խորհրդային գրող», 1989 — 270 էջ։
  • Զաքարյան Ս․, «Հատուկ կրթության» հասկացությունների անգլերեն-հայերեն համառոտ բառարան, Երևան, «Զանգակ», 2007 — 56 էջ։
  • Ա․Ա․ Սիմոնյան, Ա․Ա․ Գալոյան, Ռուսերեն-հայերեն կենսաքիմիական բացատրական բառարան, Երևան, «ՀՀ ԳԱԱ «Գիտություն» հրատարակչություն», 1997 — 428 էջ։