փուտ

Վիքիբառարան-ից
Jump to navigation Jump to search

Հայերեն բարբառային բառ

վանկեր՝ փուտ 

  1. Արարատյան, Ակն, Վան, Սվեդիա, Սեբաստիա, Կարին, Խոտուրջուր, Նոր Նախիջևան, Խարբերդ, Ղարաբաղ, Արաբկիր՝ փուչ, մեջը դատարկ
  2. փտած ◆ Փուտ փայտ։ Աճ․
  3. Խոտուրջուր՝ տավարի աղբ
  4. Սեբաստիա, Եվդոկիա, Սիվրիհիսար՝ շատ եփելուց փտածի պես փափուկ, կակուղ
  5. Վան, Սեբաստիա՝ թմրած, ներքին եռանդը կորցրած ◆ Էլա Ուռնայու կալը, տեսա հրըշտայնուն գալը․ փուտ մարմինս կրակեցավ։ (Կարապետ Գաբիկյան)
  6. Արարատյան, Թբիլիսի, Ղարաբաղ՝ թերություն, պակասություն, արատ ◆ Մի վուրփեվերի կնիկ յիրիք մարթու տալու աղջիկ է ունենում, յիրիքնեվետ թլվատ․․․ դիփունանցը այդնի է քլի դրանց փունտը։ (Գրիգոր Տեր-Ալեքսանդրյան) ◆ Տանձը կոթ ունի, մարթը փուտն ունի։ ◆ Էն ըխճկան իսկի փոտ չոնի, խեյ ըք բախտին քացի տամ։ (Տմբլաչի Խաչան)
  7. Կարին՝ փուչ, դատարկություն ◆ Ամպել է, երկինք ոմութ է, աշխարքի վերջը փուտ է։ Ավետիս Ահարոնյան

Արտահայտություններ[խմբագրել]

  1. փուտ՝ փութ՝ փոտ անուն՝ անըմ, ավելորդ անուն, մականուն ◆ Հայ գավառներում սովորություն կա, մի անձի կամ օջախի փութ անուն են կպցնում, օրինակ՝ իծարանց, կարճափեշանց և այլն։ (Սարգիս Քամալյան)
  2. Փուտ՝ փոտ արյուն, Ղարաբաղ՝
    1. ուռուցքի՝ վերքի մեջ հավաքված սևացած արյուն ◆ Սյուլուկնը մենակ փոտ արյունն ա ծըծում։
    2. ոչ հարազատ, օտար ծնունդ ◆ Փոտ արուն ա, կա ում չի հաշտ կենա։
  3. փուտ՝ փութ գալ, Արբ փուչ դատարկ դուրս գալ ◆ Վիճակ ձգեմ փոթ կուգա, աճեփ տղաս ե՞րբ կուգա։ (Անդրանիկ Փոլատյան)
  4. փուտ՝ փոտ դնել, Արարատյան, Ղարաբաղ, Նոր Նախիջևան՝ մեկին անտեղի՝ անարդարորեն թերություն՝ պակասություն վերագրել, վատաբանել ◆ Ես Սոսին կարել չեմ փուտ դնիլ, իմ վեց տղիցը․․․ լավ ա։ ◆ Ես ձեր ոչ տանն եմ փուտ դնումոչ տեղին։ (Պերճ Պռոշյան) ◆ Աղամ՝ աղամ՝ ղալին կնանոց շռայլությունն աղամ․․ ըխճկորանց երա փոտ տինելն աղամ։ (Տմբլաչի Խաչան) ◆ Ես ան մարթոցմեն չիմ, որ նոր մարդու վրա մեմեկ փութ կուտնում։ Ռափայել Պատկանյան
  5. փուտ՝ փոտ՝ փոթ ընկնել
    1. Արարատյան՝ փտել
    2. Սիվրիհիսար՝ պատշաճություն չպահպանելով՝ անպատկառ դառնալ
  6. փուտ քար, տե՛ս փուտքար

փուտ2[խմբագրել]

Հայերեն բարբառային բառ

  1. Խարբերդ՝ կեղև
  2. Խարբերդ՝ չոր, պինդ

Արտահայտություններ[խմբագրել]

  1. փուտ ըլլել
    1. կարծրանալ
    2. սառչել
    3. մեռնել, մահանալ
    4. ճկունությունը կորցնել

փուտ3[խմբագրել]

Հայերեն բարբառային բառ

  1. Սեբաստիա՝ կասկած, տարակուսանք

Արտահայտություններ[խմբագրել]

  1. փուտը փորն ընկնել, կասկածել, տարակուսել

փուտ4[խմբագրել]

Հայերեն բարբառային բառ

  1. Սեբաստիա, Առտիալ՝ ճաղատ ◆ Փոթ գլոխ։ (Կարապետ Գաբիկյան)

Արտահայտություններ[խմբագրել]

փուտ5[խմբագրել]

Հայերեն բարբառային բառ

  1. Սվեդիա՝ փոթ, շորի ծալք

Արտահայտություններ[խմբագրել]