Կաղապար:Օրվա բառ/Ապրիլի 30, 2016 թ.
մրուր գո
Հայերեն
Դասական ուղղագրութեամբ՝ մրուր
վանկեր՝ մ(ը)•րուր
Ստուգաբանություն
Թերևս մուր բառի հետ միասին պատկանում է *mu-ro- նախաձևին՝ *meu «խոնավ, կեղտոտ, հեղուկ, կեղտոտել» արմատից: Աճառյանը կասկածելի է համարում:
Գոյական
- գինու, ձեթի և այլնի տակը նստած թանձր նյութը, տակուցք
- (փխբ․) դիրտ, տիղմ ◆ Գլուխ էր բարձրացրել կյանքի սև մրուրը, տականքը: (Քրիստափոր Թափալցյան)
- (փխբ․) դառնություն փորձություն ◆ Աշխարհ եկար խալխի սիրով, դարձար վերքի ամոքիչ. զարմանալի զուլալ սրտով կյանքի մրուրն ըմպեցիր: (Մամուլ)
- հետք, որևէ բանի արտահայտություն՝ հետք ◆ Նա… թախծոտ երգ էր լսում, աչքերի մեջ՝ վշտի մրուր: (Սուրեն Այվազյան)
- որևէ վատ սովորույթի՝ գաղափարախոսության և այլնի մնացուկ, վերապրուկ
- (փխբ․) հասարակության տակուցք
Հոմանիշներ
- տակուցք, տակուկ, մրրուկ, մրուկ
- գինեմրուր, գինեքար, դիրտ
- նստոց (մեղք)
- տե՛ս տիղմ
- տե՛ս մուր
- տե՛ս դառնություն, փորձություն
- տե՛ս տականք
- տե՛ս մնացուկ, վերապրուկ
Արտահայտություններ
- մրուրը քամել (փխբ․) - դառնությունը մինչև վերջ կրել ◆ Ճակատագիրը վճռել էր քամել տալ նրա դժբախտության մրուրը մինչև վերջին կաթիլը: (Րաֆֆի)