բողոք

Հայերեն

«բողոք» ժեստը հայերեն ժեստերի լեզվով

Արտասանություն

ՄՀԱ: [boγokʰ]

վանկեր՝ բո·ղոք 

Ստուգաբանություն

Բնիկ հնդեվրոպական՝ * bholo-ko-՝ * bhel- «հնչել, խոսել» բնաձայնական արմատից. հմմտ. հին սլավոներեն bela «մռնչալ», bulda «սպառնալ», պրուսերեն billit «ասել, խոսել», լիտվերեն byloti «խոսել, ճառել», լատվիերեն bilst «ասել, դիմել»։

Գոյական

• տրտունջ՝ դժգոհություն որևէ բանից
• պաշտոնական հայտարարություն որևէ անարդարացի կամ ապօրինի վճռի՝ որոշման, գործունեության դեմ
• դատախազի պաշտոնական գրավոր պահանջը ապօրինի վճիռը բեկանելու մասին (իրավ․)
• (միգ․) պետական մարմին կամ դատարան ներկայացվող պնդում, որով հայցվում է որոշակի գործողությունների իրականացում կամ որոշակի իրավունքի կամ արտոնության, ինչպես օրինակ՝ փախստականի կարգավիճակի կամ քաղաքացիական վարույթում փոխհատուցման կամ իրավական պաշտպանության իրավունքի որոշում
• տե՛ս նաև դիմում
• (իրավ․) դատավարական իմաստով խնդրանք բողոքողի կարծիքով անօրինաչափ կամ չհիմնավորված գործողության արդյունքն անվավեր ճանաչելու կամ էլ չհիմնավորված որոշումը վերացնելու վերաբերյալ
• (բրվք․) որևէ բանի հրապարակայնորեն հավանություն չտալը կամ վիճարկելը

Հոմանիշներ

• տրտունջ, դժգոհություն
• քրտմնջուն, քրտմնջոց (ոչ բացահայտ, քթի տակ)
• դժգոհանք, գանգատանք (հզվդ․)
• ջալանջ (հնց․)
• գանգատ, հայց (իրավ․)

Արտահայտություններ

• բողոք կամ բողոքի ձայն բարձրացնել ― բողոքել
• բողոք բերել, հայտնել, հարուցել (իրավ․) ― բողոքարկել
• բողոք դատական հսկողության կարգով (իրավ․) ― դատարանի, օրինական ուժի մեջ մտած դատավճռի կամ որոշման դեմ բերվող բողոք
• բողոքի գիրք կամ բողոքի կամ առաջարկությունների գիրք (գրքույկ) ― ձեռնարկություններում, հասարակական վայրերում, խանութներում և այլն պահվող հատուկ մատյան, որի մեջ հաճախորդները գրում են իրենց բողոքները, քննադատական դիտողություններն ու առաջարկությունները տվյալ հաստատության աշխատանքների կամ աշխատողների մասին

Թարգմանություններ
անգլերեն՝ protesr, appeal, claim գերմաներեն՝ Protest դանիերեն՝ indvending իսպաներեն՝ protesta իտալերեն՝ protesta հոլանդերեն՝ հունարեն՝ διαμαρτυρία շվեդերեն՝ protest պորտուգալերեն՝ protesto ռուսերեն՝ протест (ru) ‎(protest), жалоба (ru) ‎(žaloba) վրացերեն՝ ֆրանսերեն՝ protestation

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Միգրացիայի ոլորտի տերմինների բառարան, Գյումրի, «Միգրացիայի Միջազգային Կազմակերպություն», 2013 — 175 էջ։
• Արեն Կոբալյան, Իրավաբանական համառոտ բացատրական բառարան, Վանաձոր, 2005 — 80 էջ։
• Հարություն Ալեքսանյան, Ելեն Գոլդբերգ, Բարեվարքության եզրույթների բառարան, Երևան, «Էդիթ Պրինտ», 2016 — 128 էջ։