թիկունք
Հայերեն
- ՄՀԱ՝ [tʰikuŋkʰ]
Դասական ուղղագրութեամբ՝
վանկեր՝ թի•կունք
Ստուգաբանություն
[խմբագրել]Գոյական
- մարդու և կենդանիների մարմնի այն մասը, որտեղ թիակներն են գտնվում, ուսերի ետին մասը ◆ Հետո նա շտապով բաց արեց շապիկի օձիքը, մերկացրեց իր թիկունքը, այնտեղ ևս կային մի քանի կապույտ նշաններ։ (Րաֆֆի)
- մարմնի հետևի մասը՝ ուսերից մինչև գոտկատեղը, մեջք, կռնակ ◆ Ի՞նչ ես թիկունքդ դարձրել այս կողմը։
- (փխբ․) առարկայի հետևի կողմը
- (փխբ․) մարդու ետևի կողմում ընկած տարածություն՝ տեղ
- (փխբ․) պաշտպանություն, հովանավորություն, օգնություն
- (փխբ․) պաշտպան, հովանավոր, մեջք
- (ռազմ․) ճակատային գծից ետև՝ դեպի երկրի խորքը գտնվող տարածություն ◆ Արգելված է ծանր հիվանդներին ու վիրավորներին տեղափոխել թիկունք:
- (ռազմ․) գործող բանակից հետո՝ նրա ետևում դասավորված օժանդակ զորամասերն ու միավորումները, որոնք ապահովում են նրան կենսական ու մարտական բոլոր անհրաժեշտ բաներով
- պատերազմող երկիրն ամբողջությամբ՝ ի հակադրություն ռազմաճակատի
- (տպգր․) տպատառի վերևի և ներքևի ելուստները
- լեռ կամ բարձունք, որի ստորոտում կամ լանջին գտնվում է բնակավայրը
- տե՛ս թիկնակ
Հոմանիշներ
[խմբագրել]- կռնակ, մեջք, թեկն (հնց․), (գվռ․)՝ թիակ, քամակ, բեջ
- զորաթիկունք, ռազմաթիկունք
- տե՛ս հովանավորություն
- տե՛ս հովանավոր
- տե՛ս թիկնակ
Արտահայտություններ
[խմբագրել]- թիկունք անել
- մեկին իր համար պաշտպան՝ հովանավոր դարձնել
- տե՛ս թիկունք դարձնել
- թիկունք դարձնել
- շուռ գալ, մեջքը դեպի մեկը՝ մի բան անել՝ դարձնել
- մեջքը ցուց տալ, հեռանալ, գնալ
- փախուստի դիմել, փախչել
- մեկից երեսը շրջել, արհամարհել, հետևը մեկի կողմն անել
- թիկունքը գետին տեսնել - ըմբշամարտի մեջ պարտվել
- թիկունքին՝ թիկունքում կանգնել
- մեկի հովանավորը լինել
- մեկին գաղտնի հրահրել՝ դրդել մի բանի
- թիկունքն առնել - շալակել
- մեկի թիկունքում մի բան տեղի ունենալ - առանց այդ մեկի մասնակցության մի բան կատարվել
- զորային թիկունք - զինված ուժերի թիկունքի ստորին օղակը, ԶՈՒ-ի բոլոր տեսակների զորամիավորումների, զորամասերի ու ստորաբաժանումների կազմի մեջ մտնող թիկունքային զորամասերն ու ստորաբաժանումները
- թիկունքի աշխատանք
- թիկունքի ծառայություններ
- թիկունքի ծառայություններ
- թիկունքի միջոցների օպերատիվ համատեղելիություն
- թիկունքի պետ
- թիկուքի վերաբերյալ տվյալների շտեմարան
- թիկունքի ուժեր և միջոցներ
- ռազմաճակատի թիկունք - թիկունքի զորամիավորումներ, զորամասեր և հիմնարկներ, որոնք գտնվում են ռազմաճակատի՝ թիկունքի կառավարման մարմինների անմիջական երևակայության տակ, օպերատիվ թիկունքի հիմքը
- օկրուգային թիկունք - թիկունքի զորամիավորումներ, զորամասեր և հիմնարկներ, որոնք գտնվում են զինվորական օկրուգի թիկունքի կառավարման մարմինների անիջական ենթակայության տակ
- օպերատիվ թիկունք - թիկունքի զորամիավորումներ, զորամասեր և հիմնարկներ, որոնք մտնում են ռազմաճակատների (նավատորմների), զինվորական օկրուգների, ԶՈՒ-ի տեսակների միավորումների կազմի մեջ, նախանշանակված է միավորումների ապահովման համար, ռազմավարական ու զորային թիկունքները միմյանց կապող օղակ է
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | թիկունք(ը) | թիկունքներ(ը) |
| Սեռ. | թիկունքի | թիկունքների |
| Տր. | թիկունքի(ն) | թիկունքների(ն) |
| Հայց. | թիկունք(ը) | թիկունքներ(ը) |
| Բաց. | թիկունքից | թիկունքներից |
| Գործ. | թիկունքով | թիկունքներով |
| Ներգ. | թիկունքում | թիկունքներում |
| Բաղադրյալ բառեր | |
| Թարգմանություններ | |
| |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
- Ֆարիդ Գրիգորյան, Ռազմագիտական տերմինների դպրոցական հայերեն-ռուսերեն թարգմանական-բացատրական բառարան (Մակմիլան-Արմենիա), Երևան, 2006 — 144 էջ։
Կատեգորիաներ:
- Ձայնային ֆայլ չունեցող հայերեն բառահոդվածներ
- Հայերեն բառեր
- Հայերեն գոյականներ
- Քաղվածք/Րաֆֆի
- Հայերեն բառեր փոխաբերական իմաստով
- Հայերեն բառեր ռազմական իմաստով
- Հայերեն բառեր հնացած իմաստով
- Բառեր «Արդի հայերենի բացատրական բառարան» գրքից
- Բառեր «Պաշտպանական-անվտանգային տերմինների հայերեն-ռուսերեն-անգլերեն բացատրական բառարան» գրքից
- Բառեր «Ռազմագիտական տերմինների դպրոցական հայերեն-ռուսերեն թարգմանական-բացատրական բառարան» գրքից