ժապավեն

Հայերեն

«ժապավեն» ժեստը հայերեն ժեստերի լեզվով

• ՄՀԱ՝ [ʒɑpɑˈvɛn]

Դասական ուղղագրութեամբ՝ ժապաւէն

վանկեր՝ ժա•պա•վեն 

Ստուգաբանություն

Հավանաբար փոխառություն իրանական աղբյուրից, բայց բուն աղբյուրը չի հավաստված։

Գոյական

1. գործվածքի նեղ շերտ՝ զարդակարերի և այլ գործածությունների համար ◆ Թևի կարմիր ժապավենը ցույց է տալիս, որ նա է հերթապահը։
2. շղարշի երկար ու նեղ երիզ՝ վիրակապության համար, երիզ, բինտ
3. նեղ ու երկար երիզ՝ որպես կապ
4. (ռազմ․) նույնն է՝ գնդացրային ժապավեն
5. տե՛ս շքերիզ
6. տե՛ս սղոցաժապավեն։
7. (տեխ․) որևէ նյութից պատրաստած նեղ ու երկար շերտ՝ տեխնիկական գործածությունների համար ◆ Մեկուսիչ ժապավեն, հեռագրական ժապավեն:
8. (սպորտ․) մրցավազքերի սահմանված տարածությունը սահմանագծող՝ վերջնագիծը ցույց տվողերիզ՝ կտորի շերտ, որ ձգվում է վազքուղու լայնքով ◆ Մարզիկն առաջ անցավ և առաջինը հատեց վերջնագծի ժապավենը:
9. (տեխ․) հաստ կտորի (քաթանի ևն) անվերջորեն պտտվող շերտ՝ զանազան մեխանիզմների՝ փոխադրական սարածների և այլն մեջ ◆ Կոնվեյերի ժապավեն:
10. (փխբ․) նեղ՝ երկար շերտով ձգվող բան ◆ Ես չգիտեմ, ուր են տանում ուղիների ժապավեններն անհամար (Վահան Տերյան)
11. կրծքին ամրացնելու տարբեր գույների և տարբեր ձևի մետաքսե կամ թավշե երիզ՝ իբրև աստիճանի՝ պաշտոնի, ինչպես և շքանշանների նշան ◆ Մեղադրյալների հետ հաճախ Է զրուցում մի երիտասարդ ամերիկացի սպա՝ IՏՕ-ի ժապավենով Ա. Պոլտորակ
12. (փխբ․) լույսի՝ փայլի ևն ժապավենանման շերտ ◆ Լույսի ժապավեններն ու ծուռումուռ ստվերների ժապավենները սքանչելի համերաշխությամբ փաթաթվում են իրար։
13. մետաքսյա կտորի փոքրիկ շերտ՝ շքանշանը կամ մեդալը կրելու համար
14. նույնն է՝ կինոժապավեն
15. նույնն է՝ լուսանկարչական ժապավեն

Հոմանիշներ

1. բանտ, վարսակապ, վարդակապ
2. երիզ, առասան, ժապավինաթել, ժապավինակ
3. տե՛ս երիզակապ
4. տե՛ս շերտ
5. տե՛ս կինոժապավեն տե՛ս տեսաժապավեն
6. տե՛ս շքերիզ
7. տե՛ս սղոցաժապավեն

Արտահայտություններ

Թարգմանություններ
անգլերեն՝ tape, ribbon, film strip, band, braid գերմաներեն՝ Band դանիերեն՝ bånd թուրքերեն՝ bant իսպաներեն՝ lint իտալերեն՝ nastro հոլանդերեն՝ band հունարեն՝ ταινία շվեդերեն՝ tejp պորտուգալերեն՝ fita ռուսերեն՝ лента (ru) ‎(lenta) վրացերեն՝ ფირზე ֆրանսերեն՝ bande

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Սիլվա Պապիկյան, Թատերագիտական և կինեմատոգրաֆիական տերմինների համառոտ բառարան, Երևան, «Էդիթ Պրինտ հրատարակչություն», 2015 — 128 էջ։