Կաղապար:Օրվա բառ/Հուլիսի 15, 2016 թ.
Հայերեն
Դասական ուղղագրութեամբ՝ քայլափոխ
վանկեր՝ քայ•լա•փոխ
Կազմություն
Արմատ՝ քայլ, հոդակապ՝ -ա-, արմատ՝ փոխ:
Գոյական
- քայլ փոխելը, ոտքով քայլ անելը ◆ Հետաքրքիր է յասավուլի ամեն մի քայլափոխը դիտելը։ (Պերճ Պռոշյան)
- ընթացք, շարժում, քայլք ◆ Կրտսերը մանրիկ ու արագ քայլափոխով աշխատում էր ետ չմնալ քույրերից։ (Մկրտիչ Արմեն)
- առաջընթաց, առաջադիմություն
- արարք, գործողություն
Հոմանիշներ
- քայլ, քայլաչափ, ոտնափոխ, ոտնաքայլ, ոտնափոխություն, քայլափոխություն, քայլափոխում, քայլընթաց, ոտք (խսկց․), (գվռ․)՝ լոք, շեք, շենք, ապութ
- տե՛ս ընթացք
- տե՛ս առաջընթաց
- տե՛ս գործողություն
Արտահայտություններ
- ամեն քայլափոխին - շարունակ, միշտ ◆ Կը ցանկար փոքրիկ կոշիկ մը ունենալ և գուլպայի երեսը ցույց տալ ամեն քայլափոխին։ (Գրիգոր Զոհրապ)
- երկու քայլափոխի մեջ - շատ կարճ ժամանակում, հանպատրաստից ◆ Իսկույն երկու քայլափոխին մեջ վեպ մը սկսա պատրաստել իր վրա։ (Գրիգոր Զոհրապ)