խոցել բայ

Հայերեն

Դասական ուղղագրութեամբ՝ խոցել

վանկեր՝ խո•ցել

Ստուգաբանություն

խոց + -ել

Բայ

զենքով կամ ծակող գործիքով խոց՝ վերք հասցնել, ծակել, վիրավորել ◆ Նիզակով խոցեց կուրծքը: ◆ Դավադիր նետերը խոցում էին: Դերենիկ Դեմիրճյան
առհասարակ՝ վիրավորել ◆ Գնդակը խոցել է սիրտը:
(փխբ․) խփել, հարվածել, դիպցնել ◆ Հրաձիգը շատ հեռվից խոցեց թիրախը:
(փխբ․) թշնամուն վնասել, հակառակորդին պարտության մատնել ◆ Շատերը հարձակումներ գործեցին զեկուցողի վրա, բայց խոցել չկարողացան:
(փխբ․) ծանր ցավ՝ վիշտ պատճառել, հոգեկան տառապանք պատճառել ◆ Եվ սերդ սիրտս կարեվեր խոցեց: (Ավետիք Իսահակյան)
(փխբ․) կծու խոսքով՝ արհամարհական վերաբերմունքով և այլնով վիրավորանք հասցնել ◆ Հեգնությունը խոցեց Մարզպետունու սիրտը (Մուրացան) ◆ Իսկ Արզումանն առիթ չէր փախցնում խոցելու նրան: (Ակսել Բակունց)
(փխբ․) սուր՝ խորաթափանց ու շեշտակի հայացքով նայել ◆ (Լազգին) վառվող աչքերով սկսեց տնտղել ու խոցել դեմը նստած կանանց դեմքերը: Եղիշե Չարենց
(փխբ․) հակառակորդի դարպասը գրավել՝ գնդակ նետել ևն ◆ Հյուրերը ոչ մի անգամ չկարողացան խոցել դաշտի տերերի դարպասը:

Հոմանիշներ

վիրավորել, խոցահարել, ծակել (ժղ․), խոցոտել (շատ տեղերից), խողխողել, (գվռ․) մախառել, ճիլատել (սուր զենքով), սվինահարել (սվինով), դաշունահարել (դաշույնով), սրախողխող անել
(փխբ․) կսկծեցնել, վշտացնել, սիրտը ծակել, սրտին դիպչել, սրտին կպնել, սիրտը կոտրել, սիրտը էրել, սիրտը այրել, սիրտը խաշել, սիրտը մաշել, սիրտը խոռել, սիրտը վառել, սիրտը տրորել, սիրտը ավրել, սիրտը քանդել

շարունակել․․․