Կաղապար:Օրվա բառ/Նոյեմբերի 20, 2016 թ.
Հայերեն
Դասական ուղղագրութեամբ՝ տագնապալի
վանկեր՝ տագ•նա•պա•լի
Կազմություն
Արմատ՝ տագնապ, վերջածանց՝ -ալի:
Ածական
- տագնապներով՝ վտանգներով լի ◆ Գիշերային այդ տագնապալի պահուն երկու ձիավորներ անցնում էին Մուշի դաշտով։ (Րաֆֆի)
- անհանգստացնող, խռովեցնող, հուզող, տագնապեցնող ◆ Քաղաքում դեռ մարդիկ քնած էին ծանր, տագնապալի քնով։ Եղիշե Չարենց
- երբ վտանգ ու փորձանք է սպասվում ◆ Ամրոցն ապրում էր տագնապալի, հրատապ օրեր։ Դերենիկ Դեմիրճյան
- անհանգիստ, հուզված, խուճապային ◆ Սկսվեց գնալու տագնապալի իրարանցումը նաև ամրոցում։ Դերենիկ Դեմիրճյան
- փութկոտ, աճապարանքով լի
- վտանգավոր, ծանր, դժվարին ◆ Եվ այս պայքարը համր, լռին, Այս մենամարտը մեր առօրյա - Օ, ավելի է տագնապալի, Քան բարիկադը հոկտեմբերի։ Եղիշե Չարենց
- աղետալի
Հոմանիշներ
- տագնապոտ, տագնապածով (բնստ․)
- տագնապեցուցիչ, տագնապիչ, տագնապարար, տագնապահարույց
- տե՛ս անհանգիստ, տագնապահույզ
- տե՛ս վտանգալի
- տե՛ս փութկոտ
- տե՛ս աղետալի
- տե՛ս ճգնաժամային