տագնապալի

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝ տագնապալի

վանկեր՝ տագ•նա•պա•լի 

Կազմություն[խմբագրել]

Արմատ՝ տագնապ, վերջածանց՝ -ալի:

Ածական

  1. տագնապներով՝ վտանգներով լի ◆ Գիշերային այդ տագնապալի պահուն երկու ձիավորներ անցնում էին Մուշի դաշտով։ (Րաֆֆի)
  2. անհանգստացնող, խռովեցնող, հուզող, տագնապեցնող ◆ Քաղաքում դեռ մարդիկ քնած էին ծանր, տագնապալի քնով։ (Եղիշե Չարենց)
  3. երբ վտանգ ու փորձանք է սպասվում ◆ Ամրոցն ապրում էր տագնապալի, հրատապ օրեր։ (Դերենիկ Դեմիրճյան)
  4. անհանգիստ, հուզված, խուճապային ◆ Սկսվեց գնալու տագնապալի իրարանցումը նաև ամրոցում։ (Դերենիկ Դեմիրճյան)
  5. փութկոտ, աճապարանքով լի
  6. վտանգավոր, ծանր, դժվարին ◆ Եվ այս պայքարը համր, լռին, Այս մենամարտը մեր առօրյա - Օ, ավելի է տագնապալի, Քան բարիկադը հոկտեմբերի։ (Եղիշե Չարենց)
  7. աղետալի

Հոմանիշներ[խմբագրել]

  1. տագնապոտ, տագնապածով (բնստ․)
  2. տագնապեցուցիչ, տագնապիչ, տագնապարար, տագնապահարույց
  3. տե՛ս անհանգիստ, տագնապահույզ
  4. տե՛ս վտանգալի
  5. տե՛ս փութկոտ
  6. տե՛ս աղետալի
  7. տե՛ս ճգնաժամային

Արտահայտություններ[խմբագրել]

  1. տագնապալի զանգ - տագնապի՝ վտանգի մասին ազդարարող՝ վտանգից զգուշացնող զանգ, ահազանգ ◆ Ջրվեժն էր շառաչում ուժգին… Աղմուկով խփում քարերը իրար, Զրնգում ինչպես տագնապալի զանգ։ (Գեղամ Սարյան)

Աղբյուրներ[խմբագրել]