Կաղապար:Օրվա բառ/Սեպտեմբերի 19, 2016 թ.
Հայերեն
Դասական ուղղագրութեամբ՝ տարամերժ
վանկեր՝ տա•րա•մերժ
Կազմություն
Ածական
- մերժված, հեռու վանված, հեռու քշված, լքված ◆ Ստվերի նման դալկացած մի կին՝ քույրս տարամերժ, ձայն տվեց, անցավ: (Վահան Տերյան)
- օտարը՝ անհարազատը մերժող՝ չհանդուրժող, անհարազատ որևէ բանի նկատմամբ բացասական վերաբերմունք ունեցող ◆ Եվ այսպես մնաց նա (Աբովյանը) մինչև վերջ, տարամերժ դեպի վաճառական դասը: (Ակսել Բակունց)
- անհյուրընկալ, անբարեհամբույր, վանող ◆ Ահա կրկին արև է իմ խավարամած հոգում Եվ կենսատու ժպիտ իմ տարամերժ դեմքին: Եղիշե Չարենց
- եղածից տարբեր, ընդունված ձևից շեղվող ◆ Պապը չի համաձայնվի ինքնուրույն քայլեր անել, տարամերժ ձգտումներ ունենալ: Ստեփան Զորյան
- անմիաբան, անհամաձայն ◆ Նա հույս ուներ խորամանկորեն կաշկանդել, կապկպել տարամերժ ուժերը: Դերենիկ Դեմիրճյան
- իրարամերժ, հակասական ◆ Մտքերից այս տարամերժ ազատեցեք ինձ: (Վահան Տերյան)
Հոմանիշներ
- մերժողական, վանողական
- այլամերժ, օտարամերժ
- տե՛ս անհյուրընկալ
- տե՛ս անմիաբան
- տե՛ս իրարամերժ, հակասական
- տե՛ս անհամատեղելի