Կաղապար:Օրվա բառ/Օգոստոսի 7, 2016 թ.
Հայերեն
Դասական ուղղագրութեամբ՝ ուռկան
վանկեր՝ ուռ•կան
Ստուգաբանություն
Թերևս կարելի է առանձնացնել կան-ը որպես վերջածանց, իսկ ուռ-ը դիտել որպես հնդեվրոպական *uer- «կապել, կցել, կախել» արմատի ստորին ձայնդարձի (*ur-) արտացոլում:
Գոյական
- ձուկ որսալու ցանցահյուս թակարդ, թարբ, ձկնորսական ցանց ◆ Ձկնորսը յուր ուռկանը չէ գցում գետի այն կողմը, ուր առաջ որսացել էր ուրիշը: (Րաֆֆի) ◆ Վարագա սուրբ սար, Սիփան ու Նեմրութ իրենց ստվերը - ուռկանի նման նետում են այնտեղ (լիճը): Պարույր Սևակ ◆ Նա ոտքով հրեց ուռկանի կույտը, որի տակ, նավակի հատակին, թարմ ձկներ էին: (Ակսել Բակունց)
- (փխբ․) թակարդ, ծուղակ, որոգայթ, մեկին կաշկանդող՝ իրեն ենթարկող՝ փորձանքի մեջ գցող հանգամանք ◆ Բարվո և առաքինության մասին մեր ճառերը լոկ ուռկաններ են: (Մուրացան) ◆ Ավետարանները դարձել էին մարդորսության ուռկան: (Մուրացան)
- (փխբ․) ցանցի նմանություն ունեցող բան ◆ Քանի մը ծերունի ծառեր իրենց ստվերներում ուռկանը վրանից կնետեն: Լևոն Շանթ
Հոմանիշներ
- թարփ, թոռ, ցանց, ձկնորսացանց (ժղ․) դամ, դամբ, (հնց․) առձող, առձույլ, (գվռ․) գոբիճ, գերկալ, գերկապ
- վարմ
- տե՛ս թակարդ, ծուղակ, որոգայթ
Արտահայտություններ
- ուռկանը գցել - թակարդի մեջ գցել, ծուղակի ջեջ գցել, թակարդել