ազնիվ

Վիքիբառարան-ից

Հայերեն

Դասական ուղղագրութեամբ՝ ազնիւ

Վանկեր՝ ազ•նիվ 

Ստուգաբանություն[խմբագրել]

Ածական

  1. ընտիր ազգից՝ տոհմից սերված, տոհմիկ (կենդանիների մասին)
  2. վայելուչ, բարեկիրթ
  3. իր պատիվը ճանաչող, պատվի թելադրանքով գործող
  4. ընդհանրապես ընտիր, լավ հատկությունների տեր
  5. պատվավոր, օրինական
  6. հավատարիմ, անդավաճան
  7. սրբազան, նվիրական
  8. վեհ, վսեմ ◆ Ազնիվ նպատակ:
  9. արդար, ազնվությամբ կատարվող ◆ Ազնիվ աշխատանք:
  10. անկեղծ, շիտակ, անխարդախ ◆ Ձեր հետաքրքրությունը բխում է բոլորովին ազնիվ, մաքուր աղբյուրից: (Նար-Դոս)
  11. ընտիր, լավորակ, բարձրարժեք ◆ Նրա արտաքինին առանձին գրավչություն էր տալիս ազնիվ մահուդից մեծ ճաշակով կարված հագուստը: (Նար-Դոս) ◆ Էլ թանկ ուտելիք, էլ ազնիվ մրգեր, Բերում են փռում, խնդրում, աղերսում: (Հովհաննես Թումանյան)

Հոմանիշներ[խմբագրել]

  1. առաքինի, պարկեշտ, բարի, անբասիր, անպիղծ, վեհ, վես, վեհանձն, Աստծու օրհնած
  2. արդար, անխարդախ, անկեղծ, աննենգ, անխաբ, ուղղամիտ, բյուրեղյա, բյուրեղե, շիտակ, բաց ճակատ
  3. վայելուչ, պատշաճ, բարեպատշաճ, բարեվայելուչ, վայելչական, կարգին, օրինավոր
  4. հավատարիմ, վստահելի, մտերիմ, անկեղծ, հավատարժան
  5. ընտիր, լավորակ, պատվական, նուրբ
  6. վսեմ, վեհ, բարձր, նվիրական, սրբազան, սրբագին, սուրբ, փառավոր, փառահեղ, վեհափառ
  7. տոհմիկ, ցեղական

Արտահայտություններ[խմբագրել]

  1. ազնիվ խոսք - որևէ բանի իսկությունը հաստատելու երդման արտահայտություն
  2. ազնիվ մետաղներ - չժանգոտող մետաղներ (ոսկի, արծաթ, պլատին)
  3. ազնիվ անուն
  4. ազնիվ արարք
  5. ազնիվ գազ
  6. ազնիվ գործարք
  7. ազնիվ գործել
  8. ազնիվ զայրույթ, վրդովմունք
  9. ազնիվ խոսք տալ
  10. ազնիվ խոսքի հիման վրա ազատ արձակել
  11. ազնիվ մարդ, մարդիկ

Թարգմանություններ[խմբագրել]

Աղբյուրներ[խմբագրել]