աղոթարան

Վիքիբառարան-ից
(Վերահղված է աղոթրանից)
Jump to navigation Jump to search

Հայերեն

Դասական ուղղագրութեամբ՝ աղօթարան

վանկեր՝ ա•ղո•թա•րան 

Ստուգաբանություն[խմբագրել]

աղոթ + -արան

Գոյական

  1. արևածագ, արշալույս, լուսաբաց (որի ժամանակ աղոթում էին դառնալով դեպի արևելք) ◆ Ու կանուխ ծեգին, աղոթարանի հետ վարպետը ելավ: (Մկրտիչ Խերանյան) ◆ Աղոթարանը բացվեց։
  2. Ղարաբաղ` հորիզոնի արևելյան կողմը, արևելք ◆ Աղոթարանի կողմից նոր ծագող արեգակը ծիծաղում էր: (Րաֆֆի) ◆ Արևը առանց վախենալու ցայտում է լույսը, Ամպերը դեպի աղոթարան կուգան ու կերթան։ (Ջիվանի)
  3. նույնն է՝ աղոթատուն ◆ Մութ աղոթարան: (Հակոբ Հակոբյան)
  4. Վան` բողոքականների աղոթատեղին

Հոմանիշներ[խմբագրել]

  1. արշալույս, լուսաբաց, լուսածագ, ծագ, ծեգ, լուսադեմ, այգաբաց, այգալույս, վաղորդայն, այգ (բնստ․), առավոտ (փխբ․), արևաբաց, արևագալ, (հնց․)՝ արևահարք, արևածայրք, աղվալույս, (ժղ․)՝ աղոթալույս, աղոթրան, բարիլույս, ադամալույս
  2. արևելք, արևելակողմ, (ժղ․)՝ աղոթակողմ
  3. եկեղեցի, ժամատուն, ժամ (ժղ․), տաճար, աղոթատուն, աղոթանոց, սրբարան, սրբատուն, ժողովարան, ժողովանոց, խորհրդարան, (հզվդ․) նվիրանոց, նվիրան, նվիրատուն, ժամատեղ(ի), փառաբանարան, քահանայարան, դավանարան, խորան, փարախ, խորան սրբության, (ժղ․) ժամտուն, խաչ, խաչդուռ, աղոթքի տուն, աստծու տուն, տերունական տուն

Արտահայտություններ[խմբագրել]

  1. աղոթարանը բացվել - լուսանալ, լույսը բացվել ◆ Աղոթարանը բացվեցավ, ժամանակ է զարթելու: Ռափայել Պատկանյան
  2. (փխբ․) աղոթարան չունի - անվստահելի, խաբեբա է ◆ Փողդ ընչի՞ պահ տվիր Պետրոսին, նա աղոթարան չունի, կուտի։ (Սահակ Ամատունի)

Թարգմանություններ[խմբագրել]

Աղբյուրներ[խմբագրել]

  • Ս․ Գասարջյան, Ճարտարապետական և շինարարական տերմինների ռուս-հայերեն և հայ-ռուսերեն բացատրական բառարան, Երևան, 2007 — 572 էջ։
Wiki.png
Վիքիպեդիայում հոդված կա հետևյալ թեմայով՝ Աղոթարան: