անցկացնել

Վիքիբառարան-ից
Jump to navigation Jump to search

Հայերեն

  • ՄՀԱ՝ [ɑnt͡sʰkɑt͡sʰˈnɛl]
Needle & Thread..jpg

Դասական ուղղագրութեամբ՝

վանկեր՝ անց•կաց•նել 

Ստուգաբանություն[խմբագրել]

Բայ

  1. որևէ սահմանի, անջրպետի, դժվարանցանելի տեղի մի կողմից մյուս կողմը տանել՝ առաջնորդել, տեղափոխել ◆ Առաքելը նրան հանձնեց մի քանի սուրհանդակ, որ տանի անցկացնի քաղաքադռնից։ Դերենիկ Դեմիրճյան ◆ Զինվորները ստիպված էին լինում իջնել ու մի կերպ անցկացնել ձիերը։ Սերո Խանզադյան
  2. նեղ տեղով կամ անցքի միջով տանելով հակառակ կողմը դուրս բերել ◆ Թելը ասեղի անցքով անցկացնել։ ◆ Աշխենը խոնարհվեց նրա դեմքի վրա, ձեռքերն անցկացրեց նրա թևերի տակով և գրկեց մեջքը։ (Նար-Դոս)
  3. որևէ տեղով մի բան կամ մեկին տանել ◆ Նախարարներին անցկացրին Նյուշապուհ քաղաքի փողոցներով և տարան զնդան։ Դերենիկ Դեմիրճյան ◆ Իսկույն սրանք նժույգների սանձերից բռնած բերին−անցկացրին Վարդանի առջևով։ Դերենիկ Դեմիրճյան
  4. մի տեղ մնալ, լինել, գտնվել (որոշ ժամանակ) ◆ Խորխոռունյաց տիկինը խնդրեց հյուրերին իր մոտ անցկացնել աշնանամուտը։ Դերենիկ Դեմիրճյան ◆ Ամառը գյուղում անցկացրեց:
  5. վատնել, սպառել ◆ Տեսնում ես, ծեր մարդ, վաղ առավոտվանից սկսած բանում էր պարտեզի մեջ, իսկ դու կես օրը անցկացրել ես և հետո ես գալիս։ (Մուրացան)
  6. հագցնել, ագուցել, դնել ◆ Շղթաները անցկացրեց վիրավորի ձեռներն ու ոտքերը։ Դերենիկ Դեմիրճյան
  7. մտցնել, շարել ◆ (Նա) պահծու միսն սկսեց անցկացնել փայտե շամփուրները։ Դերենիկ Դեմիրճյան
  8. կատարել, անել, իրականացնել ◆ Արտադրական մարմնամարզություն անցկացնել։ (Մամուլ) ◆ Ժողով անցկացնել։ (Անահիտ Սահինյան)
  9. որևէ գործ գլուխ բերել, հաստատումը հաջողացնել, ընդունել տալ ◆ Գյուղի մշտապես տուժող խավերը վերջապես մի անգամ հաջողացրել էին իրենց մարդուն անցկացնել ջրպետ։ (Անահիտ Սահինյան) ◆ Իսկ եթե նրան հաջողվի իր առաջարկություններն անցկացնել, հրաժարական կտամ։ (Անահիտ Սահինյան)
  10. գցել՝ կառուցել՝ մի տեղից մի այլ տեղ կամ մի բանի միջով՝ վրայով տանելով ◆ Հեռախոս-հեռագրային գծերի անցկացնելը… մենք կվերցնենք մեզ վրա։ (Գարեգին Սևունց) ◆ Ջրանցք անցկացնել։ (Անահիտ Սահինյան) ◆ Ճանապարհը ավելի աժան կնստի, եթե նրան դաշտի միջով անցկացնենք։ (Մուրացան)
  11. փոխանցել (գրելով), գրանցել ◆ Հրամաններն անցկացնել մատյանի մեջ։
  12. առաջարկել, առաջ քաշել, արծարծել ◆ Հոդվածի մեջ անցկացվում է գրականությունը կյանքին մոտեցնելու միտքը։
  13. ժամանակը որևէ բանի տրամադրել ◆ Ամբողջ ժամանակը նա կարդալով էր անցկացնում:
  14. խուսափել, դուրս պրծնել ◆ Էս չարիքն էլ անփորձ ◆ անցկացրինք:
  15. ապրել, տեսնել, ունենալ ◆ Նա… անցկացրել էր դառը… մանկություն:
  16. ժամանակ վատնել, ժամանակն սպառել ◆ Ամբողջ օրը փողոցներում քարշ գալով ես անցկացնում:
  17. որոշ ժամանակամիջոցի ընթացքում որևէ վիճակում գտնվել ◆ Ամբողջ երկու ամիս անկողնում անցկացրեց:
  18. մտնել ◆ Դեն շպրտեց գլխարկը և անցավ աղջկա սենյակը: (Նար-Դոս)
  19. վերանալ ◆ Ծուխն ու հոտը դեռևս չեն անցել: (Նար-Դոս)
  20. (բրբ․) մարել, հանգչել ◆ Ճրագն անցավ:
  21. թողնել հեռանալ, ձեռք քաշել
  22. արժեք՝ հարգ ունենալ ◆ Նրա խոսքը անցնում է:
  23. որևէ անցքով կամ արգելքի միջով այն կողմը դուրս գալ
  24. տեղի ունենալ, պատահել
  25. հանդիպել, այցելել ◆ Ես կանցնեմ պաշտոնյայի մոտ և կգողանամ գաղտնիքը: Դերենիկ Դեմիրճյան
  26. երևալ ու անհայտանալ ◆ Երբեմն... շրթունքների վրա թրթռում էր գոհունակության ժպիտը, երբեմն էլ դեմքի վրայով տխրության ստվեր էր անցնում: Սերո Խանզադյան ◆ Մի զարմացական ժպիտ անցավ նրա բարի դեմքի խորշոմների միջով: (Րաֆֆի)
  27. թափանցել ◆ Չարախինդ սուլելով ցուրտ թրի նման զարկեց անցավ ոսկորները: Հովհաննես Թումանյան
  28. թափանցել ◆ Չարախինդ սուլելով ցուրտ թրի նման զարկեց անցավ ոսկորները: Հովհաննես Թումանյան
  29. Կաղապար:դպր սովորեցնել, սովորել ◆ Այսօր թվաբանությունից անցաք կոտորակները:

Հոմանիշներ[խմբագրել]

  1. փոխադրել, տեղափոխել, անցնել

Արտահայտություններ[խմբագրել]

  1. ժամանակ անցկացնել
    1. զվարճանալ, հաճելի զբաղմունքով ուրախանալ, խաղալ, զրուցել և այլն ◆ Արժե նրանց հետ ժամանակ անցկացնել։ (Րաֆֆի) ◆ Մի վախիր, փողով չենք խաղալու… ժամանակ անցկացնելու և զվարճանալու համար միայն։ (Նար-Դոս)
    2. գործով զբաղվել, աշխատանք անել, կյանք վարել ◆ Զարմանալի մարդ եք․ մի չեք էլ գրում, թե ինչ եք անում, ինչպես եք ժամանակ անցկացնում։ Հովհաննես Թումանյան
  2. չափն անցկացնել - չափավորության սահմանից դուրս գալ, ծայրահեղության հասնել ◆ Դու արդեն չափը անցկացրիր։ Վրթանես Փափազյան ◆ - Դուք շատ եք չափն անցկացնում։ (Քրիստափոր Թափալցյան)
  3. կյանքն անցկացնել - ապրել ◆ Խեղճերի քրտինքը լիզելով է կյանք անցկացրել։ (Պերճ Պռոշյան)

Աղբյուրներ[խմբագրել]