բաժանել

Վիքիբառարան-ից

 Flag of Armenia.svg Հայերեն[խմբագրել]

Megaphone.svg Արտասանություն

ՄՀԱ: [bɑʒɑˈnɛl]

Ստուգաբանություն[խմբագրել]

Փոխառություն իրանական աղբյուրից՝ bāžāni. հմմտ. բաժ, բաժակ, բաժին:

Բայ

Վանկեր՝ բա-ժա-նել 

  1. մասերի վերածել, մասնատել ◆ Հեղեղատն․․․ կիսել է գյուղը, բաժանել երկու մասի։ (Նաիրի Զարյան) ◆ Շնչագրում էին գյուղը, ցուցակներ կազմում, տասնյակների բաժանում։ (Ակսել Բակունց)
  2. ջոկել, ընտրել, զատել, իրարից առանձնացնել
  3. բաժանք կատարել ◆ Եղբայրներն իրար մեջ բաժանել էին միասին գնած տնատեղը։ (Ակսել Բակունց)
  4. խռովություն` անհամաձայնություն գցել, պառակտել
  5. տրոհել, մասերն առանձնացնել, բաղադրիչների վերածել
  6. բերքի՝ եկամուտի բաշխում կատարել ◆ Ի՞նչ եք շվարած կանգնել Թաթոս, Մաթոս․․․ շուտ ցորենը բաժանենք, տանեն աղան։ (Քրիստափոր Թափալցյան)
  7. անջատել, զատել, հեռացնել ◆ Ինձ ո՞վ կարող է քեզանից բաժանել։ (Վահան Տերյան)
  8. շատերին բաժին հանելով տալ, բաշխել ◆ Աբու Լալա Մահարին․․․ բոլոր իր հարստությունը բաժանեց աղքատներին։ (Ավետիք Իսահակյան)
  9. մարդկանց մեջ ցրել, շատ մարդկանց տալ, տարածել ◆ Կմտնես փողոցները խռիվ ու բանուկ, իբրև թե աֆիշ ես հանգիստ բաժանում։ (Եղիշե Չարենց)
  10. իրարից զատել, տարբերություն ստեղծել, անջրպետ հանդիսանալ ◆ Ինչո՞ւ չտեսավ այն վիհը, որ բաժանում է աղքատին հարստից, ազապ աղջկան ամուսնացած տղամարդից։ (Շիրվանզադե)
  11. տարածություն կազմել, հեռավորության միջոց լինել
  12. մեկի ուրախությանը, վշտին և այլն մասնակից լինել, կիսել ◆ Նա միամիտ և ազնվորեն բաժանում էր նրա հետ իր վիրավորված ինքնասիրության զայրույթը։ (Դերենիկ Դեմիրճյան)
  13. միասին գործածել, ունենալ, մեկ կամ մի քանի հոգով միասին օգտագործել, օգտվել մի բանից (փխբ․)
  14. անջատելով հեռացնել, օտարել (փխբ․)
  15. հաղորդակից դարձնել (փխբ․)
  16. բաժանման գործողություն կատարել, տվյալ թիվը փոքրացնել այնքան անգամ որքան միավոր է պարունակում բաժանարարը (մաթ․)
Հոմանիշներ[խմբագրել]
  • մասնատել, երկատել, կիսել, կես անել, ճյուղավորել, փեռեկել, փեռեկտել
  • օձտել, մասմասել, զանազանել, ստոծել, տարակցել (իրարից), բաժանել, ստորաբաժանել (հզվդ․)
  • զուգաբաժանել (հավասարապես), բաժին անել, մաս-մաս անել, բաժան-բաժան անել, երկու անել
  • մեջ֊մեջ անել (թաքուն)
  • խռթել, բաժնել, փայ անել, մեջ անել, ճոթ անել (բրբ․)
  • ուրիշել (կռվողներին) (բրբ․)
  • զատել անջատել
  • ջոկել
  • տարբերել
  • ցրել, տարածել
  • բաշխել, տալ
  • վերաբաժանել, վերաբաշխել (նորից)
  • ամուսնալուծել (ամուսիններին)
Արտահայտություններ[խմբագրել]
Խոնարհում[խմբագրել]