բարդ

Հայերեն

ՄՀԱ՝ [bɑɾtʰ]

Ստուգաբանություն

Թերևս բնիկ հնդեվրոպական՝ * bhrti-՝ * bher- «բերել, տանել» արմատից. հմմտ. հին հնդկերեն bhrti- «բերում», լատիներեն fors «պատահականություն», գոթերեն gabaúrps «ծնունդ»։

Ածական

վանկեր՝ բարդ 

1. դիզված, կուտակված, ◆ բարդ ամպեր
2. շատ մասերից կամ տարրերից բաղկացած, ոչ պարզ ◆ Հետագայում թողարկելու են բարդ մեքենաներ ու հաստոցներ։
3. դժվարին, դժվար ըմբռնելի, խրթին, դժվարալույծ ◆ Քեռի հովակիմը նրանց ուղեղն այնպես էր ծանրաբեռնել բարդ, լուծում չգտնող խոհերով, որ նրանք ոչ մի կերպ բեռնաթափվել չեն կարող։ (Բոգդան Վերդյան)
4. խճճված, խառնակ, դժվար ◆ Իսկ դուք, մեր փերի՛, գիտեք սրտերի ճամփաները բարդ։ Հովհաննես Թումանյան ◆ Վարազդուխտի վարմունքը բավական բարդ մի հանգույց էր եղել։ Դերենիկ Դեմիրճյան
5. իրագործելը դժվար, ծանր ◆ Ստացվել է բարդ առաջադրանք։ (Բոգդան Վերդյան)
6. բազմապիսի, բազմատեսակ ◆ Բարդ է զինվորի մասնագիտությունը։ (Հրաչյա Քոչար)

Հոմանիշներ

1. խրթին, կնճռոտ, անպարզ, դժվարլուծելի, դժվարհասկանալի, դժվարիմաց, խրթնիմաց (հզվդ․), խրթնածածուկ
2. բաղադրյալ

Արտահայտություններ

1. (լեզվբ․) բարդ բառ - երկու կամ ավելի արմատների (բառերի) միավորումով կազմված բաղադրյալ բառ
2. (մաթ․) բարդ երից կանոն - որի մեջ տվյալ համեմատությունները երկուսից ավելի են
3. բարդ նախադասություն - մեկից ավելի պարզ նախադասություններից բաղկացած մեկ ամբողջական նախադասություն (լեզվբ․)
4. բարդ ածանցավոր - միաժամանակ բարդված և ածանցված

Թարգմանություններ
անգլերեն՝ pile, complex, complicated գերմաներեն՝ դանիերեն՝ իսպաներեն՝ իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ груз (ru) ‎(gruz), сложный (ru) ‎(složnyj) վրացերեն՝ ბალიში ֆրանսերեն՝

Գոյական

1. Վան՝ չորացրած խոտի կամ հացահատիկի դեզ, որ բաղկացած է 30-40 խրձից ◆ Գրիգոր գոհ այս փոքրիկ ճիվաղին ձեռքեն անվտանգ ազատելուն, առանց ետին նայելու գնաց երկնցավ յուր խոտի բարդին վրա։ (Ծերենց)
2. բարդաչափ, մի բարդի չափ
3. երեսուն հատ (ձու, ընկույզ, խուրձ և այլն)

Ածական

1. Խարբերդ, Մուշ, Քղի՝ մի երեսնյակ ◆ Մի բարդ ձու առնել։ (Ձեռագիր)

Արտահայտություններ

1. բարդ դնել - խուրձերը կույտ անել, դիզել ◆ Խորոմճին ցորենը ոլորում, խորոմ էր անում, կապում ու տանում բարդ դնում։ (Էմինեան ազգագրական ժողովածու)

Բաղադրյալ բառեր

Թարգմանություններ

Թարգմանություն

Գոյական

1. Տարենտե՝ փորոտիք
2. Կեսարիա՝ երկվորյակներից յուրաքանչյուրը

Արտահայտություններ

Բաղադրյալ բառեր

Թարգմանություններ

Թարգմանություն

Գոյական

1. Նոր Ջուղա՝ շնորհք ◆ Բարդդ կտրվի, գնա կորիր։ (Ձեռագիր)

Արտահայտություններ

Բաղադրյալ բառեր

Թարգմանություններ

Թարգմանություն

Հայերեն

• ՄՀԱ՝ [bɑɾd]

Ստուգաբանություն

կելտ. bard

Բացատրություն

1. (գրկն․) հին կելտերը այսպես էին անվանում թափառաշրջիկ բանաստեղծ-երգիչներին, որոնք իրենք էին հորինում երգի խոսքերն ու մեղեդին և իրենք էլ կատարում

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Ջրբաշյան Է․Մ․, Մախչանյան Հ․Մ․, Գրականագիտական բառարան (2-րդ լրաց․ և վերամշ․ հրատ․) (Լույս), Երևան, 1980 — 352 էջ։
• Լ․ Տիմոֆեև, Ն․ Վենգրով, Գրականագիտական տերմինների համառոտ բառարան (Հայպետուսմանհրատ), Երևան, 1957 — 247 էջ։