բողազ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ բո•ղազ 

Ստուգաբանություն[խմբագրել]

Գոյական

  1. տե՛ս բուկ ◆ Դե սուս, թե չէ սեպը բողազդ կկոխեմ։ (Ակսել Բակունց)
  2. Ղարաբաղ՝ անձ, շունչ
  3. Մոկս, Մուշ՝ նեղ անցք, նեղ արահետ
  4. Թբիլիսի՝ սկիզբ, ծայր ◆ Շինվեցավ մե ղասաբխանա Օրթաճալու բողազումը։ (Գարեգին Սևունց)

Հոմանիշներ[խմբագրել]

  1. տե՛ս բուկ

Արտահայտություններ[խմբագրել]

  1. բողազը բաց անել - տե՛ս կոնծել
  2. բողազը հուպ տալ, բողազին հուպ տալ - ուտելիքի հաշվին խնայողություն անել, բերանից կտրել
  3. բողազ, ինչ կտենաս, կդողաս - ուտելիքի նկատմամբ անզուսպ
  4. Թբիլիսի՝ բողազը դուս կտրել - խայտառակել, ամոթով թողնել ◆ Բողազըս մի դուս կտրի, աղա Արութին, թե էս սհաթիս փուղը չի տա, վարց կոնիս, վուր ինձ սպանիս։ (Գարեգին Սևունց)
  5. բողազը թաց անել - մի քիչ խմել ◆ Գնանք մենք էլ մի քիչ բողազներս թաց անենք։ (Պերճ Պռոշյան)
  6. բողազը ծամել, բողազ ծամել - վիճել, կռվել ◆ Հիմիկվանից ինչո՞ւ եք միմյանց բողազը ծամում։ (Րաֆֆի)
  7. բողազը կուչ գալ - սիրտը նեղվելուց ուտել չկարողանալ
  8. բողազը տեղը -
    1. առողջ, ախորժակը տեղը ◆ Իմա՞լ եք, սանամեր, ճժեր սալամաթ են, բողազն ուրանց տե՞ղն է։ ՀժՀք
    2. ուտելիքով ապահովված
  9. բողազին բերել, բողազին հասցնել - համբերությունից հանել ◆ Էս զոկ Քալանթարը, Համբարձումը է՛ստի, էստի բողազիս բերին էլի։ (Խաթաբալա)
  10. բողազին կանգնել - կուլ չգնալ, կոկորդում կանգնել ◆ Թե կի ուրիշները ուտում ին, նրան կի բողազին կու կանգնի։ (Խաթաբալա)
  11. բողազին չոքել - նեղել, ստիպել, բկին չոքել ◆ Բարձի վրա թիկն են տալիս․․․, հիմի էլ եկել են, բողազներիս չոքել են, թե տվեք։ (Պերճ Պռոշյան)
  12. բողազիցը կտրել - իրեն զրկել, բերանից կտրել ◆ Վարթոն իրա բողազիցը կտրում ա, էն եթիմներին ուտացնում։
  13. բողազը չորանալ -
    1. խմելու պահանջ զգալ ◆ Ջավո, մի բութիլ արաղ էլա բեր, բողազներս չորացել ա։
    2. ահից ձայն չհանել ◆ Սուս արա, Մարգար, անանց պյաներ կասամ, քի լափ բողազներթ կչորանա։ (Խաթաբալա)

Աղբյուրներ[խմբագրել]