գրոհ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ գ(ը)•րոհ 

Ստուգաբանություն[խմբագրել]

Փոխառություն իրանական աղբյուրից. հմմտ. միջին պարսկերեն grōh, պարսկերեն gurōh:

Գոյական

  1. գրոհ
  2. հարձակում
  3. (փխբ․) վճռական՝ եռանդուն գործունեություն որևէ նպատակով
  4. (հնց․) մարդկանց բազմություն՝ խումբ

Հոմանիշներ[խմբագրել]

  1. գրոհում, հարձակում, արշավ, արշավանք, դրույք, գռույթ,
  2. տե՛ս խումբ

Արտահայտություններ[խմբագրել]

  1. գրոհ տալ - հարձակվել, գրոհել
  2. անհույս գրոհ - գրոհ,որը ձեռնարկվում է ուժերի կատարյալ անհավասարության պայմաններում՝ մահը գերությունից նախընտրելու մտայնությամբ
  3. առաջանցիկ գրոհ - հարձակում, որը ձեռնարկում է գրոհի պատրաստվող հակառակորդի վրա՛ նրա հարձակումը կանխելու և ձախողելու համար
  4. ավիացիոն գրոհ - տես հարձակում, օդային հարձակում
  5. արագ գրոհ
  6. գրոհի ժամանակ առաջնակետում
  7. գրոհի կրակային պատրաստում - գրոհին անմիջականորեն նախորդող հակառակորդի կրակային խոցման շրջան, որը ներառում է հրետակոծություն, հրթիռային, ավիացիոն և այլ միջոցներով հասցվող հարվածներ
  8. գրոհի հրետանային աջակցություն - գրոհի կրակային աջակցության բաղադրիչ, յուրային զորքի գրոհի սկզբում և ընթացքում հրետանու վարած արմատական գործողությունները, որոնք ներառում են հարձակվող ուժերի ճակատի առջև և թևերում հակառակորդի անընդմեջ կրակային խոցումը՝ նրանց անդադար առաջխաղացումն ապահովելու նպատակով
  9. գրոհի հրետանային պատրաստում - գրոհի կրակային պատրաստման բաղադրիչ, հրետանու մարտական գործողություններ, որոնք անմիջականորեն նախորդում են զորքերի գրոհին և կատարվում են նախապես կազմակերպված հրետակոծմամբ հակառակորդի հրետանային և այլ կրակային միջոցների, կենդանի ուժի խոցման պաշտպանական կառույցների ավերման նպատակով՝ նրան դիմադրելու հնարավորությունից զրկելու համար
  10. գրոհի վերջնամասի կառավարում - գրոհող ինքնաթիռի տարաշարժումը և զենքի կիրառումը կառավարելու լիազորություն
  11. գրոհի վերագետնյա նշանակետի վրա
  12. գրոհ ուղղորդմամբ - գրոհ, որի ժամանակ զենքի կրողը չունի թիրախի հետ շփում այլ այդ շփումը պահպանում է ստորաբաժանումն, որն կրողին իր ուղղորդմամբ հասցնում է զորքի կիրառման կետը
  13. թևային գրոհ - կողային հարձակում, հարձակում հակառակորդի կողային դիրքերի ուղղությամբ
  14. կեղծ գրոհ
  15. կրկնակի գրոհի առաջարկություն
  16. հոգեբանական գրոհ - գրոհ, որը նախատեսված է պաշտպանող հակառակորդի ահաբեկման, նրա հոգեկանի կտրուկ և ուժեղ ապակայունացման, դիմադրության կամքի ճնշման համար
  17. ճակատային գրոհ
  18. սվինային գրոհ
  19. տեղեկատվական գրոհ - տեղեկութային գրոհի բաղադրիչ, ապատեղեկույթի տարածմամբ բնակչության և զինված ուժերի անձնակազմի վրա նպատակային բարոյաոգեբանական ազդեցության համար կատարվող գործողություն
  20. տեղեկութային գրոհ - ըստ տևողության ու նպատակների՝ սահմանափակ, բայց մեծ ինտենսիվությամբ գործողություն, որն իրականացվում է տեղեկութային դաշտում հակառակորդի տեղեկութային համակարգերը, տեղեկութային շտեմարանները շարքից հանելու կամ դրանց զգալի վնաս պատճառելու, դրանց մեջ ապատեղեկույթ ներմուծելու, խաղաղ բնակչության և զինված ուժերի անձնակազմի վրա նպատակային բարոյահոգեբանական ազդեցություն գործելու համար
  21. օդադեսանտային գրոհ

Հայերեն

Բացատրություն

  1. (պաշտանվ․) հակառակորդին ոչնչացնելու նպատակով մարտակարգով ստորաբաժանումների, զորամասերի, զորամիավորումների, ինչպես նաև առանձին նավերի, ինքնաթիռների ու դրանց խմբերի դեպի հակառակորդի դիրքեր սլացիկ, նպատակաուղղված ևանընդհատ շարժումն, որն ուղեկցվում է ինտենսիվ կրակի վարմամբ

Աղբյուրներ[խմբագրել]

  • Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
  • Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
  • Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
  • Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
  • Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
  • Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
  • Ֆարիդ Գրիգորյան, Ռազմագիտական տերմինների դպրոցական հայերեն-ռուսերեն թարգմանական-բացատրական բառարան (Մակմիլան-Արմենիա), Երևան, 2006 — 144 էջ։